बोहरा एसियन विश्वविद्यालय खेलकुद महासंघको सदस्यमा निर्वाचित


Published: November 29, 2016 | प्रकाशित: मङ्लबार, मंसिर १४, २०७३


purna-shing
काठमाडौं (हाम्रो खेलकुद) – विश्वविद्यालय खेलकुद संघ नेपालका महासचिव पूर्ण सिंह बोहरा एसियन विश्वविद्यालय खेलकुद महासंघको कार्यकारी सदस्यमा निर्वाचित भएका छन् । चाईनाको जियामेन सहरमा नोभेम्बर २० देखि २२ सम्म आयोजित महासंघको नवौं साधारण सभाबाट उनी सदस्यमा निर्वाचित भएका हुन् ।

चार सदस्यको लागि भएको निर्वाचनमा १० जनाको उम्मेदवारी परेको थियो । ३२ राष्ट्रका मतदाता रहेकोमा बोहराले १९ मत प्राप्त गरेका थिए । कार्यकारी सदस्यको लागि दक्षिण एसियाबाट परेको एकमात्र उम्मेदवारीमा निर्वाचित हुन सफल भएको महासचिव बोहराले बताए । बोहराले यो सफलतालाई व्यक्तिगत सफलताका हिसाबले मात्र नभइ नेपाल प्रति अन्य राष्ट्रको सकारात्मक धारणा रहेको प्रष्ट भएको बताएका छन् । उनले एसियन युनिभर्सिटी स्पोर्टस महासंघको सदस्य रहँदा नेपालको विश्वविद्यालय खेलकुद संघमार्फत नेपाली खेलकुद विकासका लागि थप प्रयास गर्ने विश्वास दिलाए ।

प्रतिकृया दिनुहोस

प्रतिकृया

Loading...