नेपाली पुरुष भलिबल टोली बंगलादेश उड्यो


Published: December 20, 2016 | प्रकाशित: मङ्लबार, पुस ५, २०७३

काठमाडौं (हाम्रो खलकुद)– बंगलादेशमा हुने एसिया एभिसी सेन्ट्रल जोन भलिबल च्याम्पियनसिपमा भाग लिन नेपाली राष्ट्रिय पुरुष टोली त्यसतर्फ प्रस्थान गरेको छ । ढाकामा हुने च्याम्पियनसिपमा कुन कुन राष्ट्रसँग प्रतिस्पर्धा गर्नु पर्ने बुधबारको टेक्निकल मिटिङ पछि मात्र थाहा हुने टोलीका प्रशिक्षक जगदिश भट्टले जानकारी दिए ।

volleyball
सेन्ट्रल जोनमा रहेका १२ राष्ट्रमध्ये भारत, पाकिस्तान, श्रीलंका र भुटानले च्याम्पियनसिपमा भाग नलिने आफुलाई जानकारीमा आएको भट्टले हाम्रो खेलकुदलाई बताए । बाँकी ८ मध्ये ६ राष्ट्रको सहभागिता निश्चित भएको र अन्यका बारेमा त्यहि गएर मात्र थाहा हुने उनले जनाए । नेपालसहित माल्दिभ्स, अफगानिस्तान, आयोजक बंगलादेश, किर्गिस्तान र तुर्किमिनिस्तानको सहभागिता निश्चित भइसकेको भट्टले बताए ।

इम रानाको कप्तानीमा रहेको टोलीमा हरिहजुर थापा, मानबहादुर श्रेष्ठ, धनबहादुर भट्ट, विजय थापा,कुलबहादुर थापा, महेन्द्र श्रेष्ठ, भैरवबहादुर बम,भुवन कार्की, नरेन्द्र गिरी, देव शर्मा र इश्वर थापा छन् । नेपाल भलिबल संघका अध्यक्ष मनोरञ्जन शर्मा पनि टोलीसँगै त्यसतर्फ गएका छन् ।संघका महासचिव जितेन्द्रबहादुर चन्दले त्रिभुवन विमानस्थलमा टोलीको बिदाई गरेका थिए । vb-logo

प्रतिकृया दिनुहोस

प्रतिकृया

Loading...