एसिया कप महिला क्रीकेटमा नेपालको लगातार चौथो हार


Published: December 1, 2016 | प्रकाशित: बिहिबार, मंसिर १६, २०७३

थाइल्याण्डमा जारी महिला एसिया कप क्रीकेटमा नेपाली महिला क्रीकेट टोलिले लगातार चौथो हारको सामना गरेको छ । अघिल्लो खेलहरुमा पाकिस्तान । श्री लंका र बाङ्लादेशसङ पराजय भोगेको नेपालले आज आयोजक थाइल्याण्ड बिरुद्ध ८ विकेटले पराजय भएको छ ।

nepal women

टस जितेर आयोजक थाइल्यान्डविरुद्ध पहिले ब्याटिङ रोजेको नेपाल १९.५ ओभरमा ६३ रनमा अलआउट भएको थियो  । ओपनर ज्योति पाण्डे र सीता मगरले पहिलो विकेटका लागि ३० रनको साझेदार गरेपनि त्यसपछि लामो साझारी हुन सकेन ।

ज्योतिले १६ र सीताले ९ रन बनाइन् । अघिल्ला खेलहरुमा जस्तै नेपाली खेलाडीले सम्हालिएर ब्याटिङ गर्न सकेनन् । कप्तान रुविन क्षेत्रीले ८, नेरी थापाले ७, इन्दु बर्माले १, रश्मि शर्माले १, काजल श्रेष्ठले २, सरिता मगरले ४ र करुण भण्डारीले २ रन बनाएका थिए । थाइल्यान्डका लागि सोरनारी तिप्चे र सुलिपोर्न लोमीले समान २ विकेट लिए ।

जवाफमा उत्रेको थाइल्याण्डले १६ ओभरमा २ विकेट गुमाउदै लक्ष्य पुरा गर्‍यो । नेपालकोलागी सरिता मगरले दुइ विकेट लिइन ।  नेपाल प्रतियोगिता अघिको अभ्यास खेलमा पनि थाइल्यान्डसँग पराजित भएको थियो ।

प्रतिकृया दिनुहोस

प्रतिकृया

Loading...