नेपाली महिला टोलीको अहिले सम्मकै कम स्कोर, भारतसँग २१ रनमा अलआउट


Published: December 2, 2016 | प्रकाशित: शुक्रबार, मंसिर १७, २०७३
 काठमाडा(हाम्रो खेलकुद) – लज्जास्पद हारसँगै नेपाली महिला क्रिकेट टोलीको एसिसी महिला एसिया कप टि ट्वान्टीमा यात्रा टुंगिएको छ । लिगको आफ्नो अन्तिम खेलमा शुत्रफबार साविक विजेता भारतविरुद्ध नेपाली टोली ९९ रनको भारी अन्तरले पराजित भएको छ । यद्दपी यो पहिलो लज्जास्पद हार भने होइन ।
wwtt
अघि अघिका चारै खेलमा पनि नेपाल निकै फराकिलो अन्तरले पराजित भएको थियो । शुक्रबार १ सय २१ रनको लक्ष्य पछ्याएको नेपाली टोली १६.३ ओभरमा सबै विकेट गुमाएर २१ रनमा अलआउट भएको थियो । जुन स्कोर नेपाली महिला टोलीको अहिले सम्मकै सबैभन्दा कम स्कोर हो । यहि प्रतियोगिताका दौरान श्रीलंकाविरुद्धको दोस्रो खेलमा नेपाल २३ रनमा अलआउट भएको थियो । झन्डै एक दशकयता अन्तर्रास्ट्रिय महिला क्रिकेट खेल्न थालेको नेपाल यसअघि बंगलादेशविरुद्ध दुई पटक २६ रनमा अलआउट भएको थियो ।
नेपालले सन् २००७ बाट अन्तर्रास्ट्रिय महिला क्रिकेट खेल्न सुरू गरेको हो । नेपालले टस जितेर भारतलाई पहिले ब्याटिङका लागि बोलाएको थियो । भारतले २० ओभरमा ५ विकेट गुमाएर १ सय २० रन बनायो । टोलीका लागि शिखा पाण्डेले सर्वाधिक ३९ रन बनाइन् । नेपालका लागि कप्तान रुविना क्षेत्री २ तथा सरस्वती कुमारी र करुणा भण्डारीले समान १ विकेट लिए । जवाफमा नेपाली खेलाडीको प्रदर्शन निकै फितलो रह्यो । सरिता रानामगरले सबैभन्दा बढी ६ रन बनाइन् भने पाँच खेलाडीले खाता पनि खोल्न सकेनन् । ओपनर ज्योति पाण्डेले २ र सीतामगरले १ रन बनाइन् । त्यसतै रोशनी बोहराले १, कप्तान रुविनाले २, करुणा पान्डेले २ रन जोडे । नेरी थापा, नीरा राजोपाध्यय, शोभा आले, संगिता राई र सरस्वतीले खाता खोल्न सकेनन् ।
भारतका लागि पुनम यादवले ३ विकेट लिइन् । प्रतियोगिताका ५ खेलमा नेपालले एउटा मात्र खेलमा ५० रन बनाउन सक्यो, बाँकी सबै खेलमा टोली त्यो भन्दा अगाडी नै आउट भयो । पाकिस्तानसँग ९ विकेटको हारमा नेपाल १८.१ ओभरमा ४७ रनमा अलआउट भयो । त्यस्तै श्रीलंकासँग ८ विकेटले हार्दा नेपालले १६.२ ओभरमा २३ रनमात्र बनायो । बंगलादेशसँग ९२ रनले गुमाएको खेलमा नेपालले १७.३ ओभरमा ४१ रन जोड्यो । थाइल्यान्डसँग ८ विकेटले गुमएको खेलमा नेपालले अन्तिम बलअघि अलआउट हुँदै ६३ रन बटुलेको थियो । नेपालले सबै पाँच खेलमा पुरा २० ओभर ब्याटिङ गर्न सकेन ।

प्रतिकृया दिनुहोस

प्रतिकृया

Loading...