पारसले ४१ बलमा शतक हाने, एपिएफको दोस्रो जित


Published: December 25, 2016 | प्रकाशित: आइतवार, पुस १०, २०७३

दिपेन्द्र पोखरेल
विराटनगर – कप्तान पारस खड्काको विस्फोटक अविजित शतकको मद्दतमा एपिएफले सातौं राष्ट्रिय खेलकुदको क्रिकेटमा लगातार दोस्रो जित हासिल गरेको छ । सुदूरपश्चिमाञ्चललाई १ सय ४४ रनले हराउँदै एपिएफले दुई खेलमा शतप्रतिशत नतिजा निकालेको हो ।

Paras Khadka Century

पारसले अविजित १ सय ५ रन बनाएको खेलमा टस जितेर ब्याटिङ गरेको एपिएफ ४ विकेटको क्षेतिमा २ सय रन बनाएको थियो । जवाफमा सुदूरपश्चिमाञ्चलले ६ विकेटको नोक्सानीमा ५६ रन मात्र बनाउन सक्यो । मात्र २६ बलमा अर्धशतक बनाएका पारसले ४१ बलमा शतक पुरा गरेका थिए । ४३ बल खेलेका राष्ट्रिय टोलीका कप्तान समेत रहेका पारसले ९ चौका र ८ छक्का प्रहार गरेका थिए ।

ओपनर सुवास खकुरेलले अविजित अर्धशतक बनाए । सुवासले ५१ बलमा ६ चौकाको मद्दतमा ६४ रन जोडे । सुवासले ३८ बलमा अर्धशतक पुरा गरेका थिए । अन्य चारजनाले भने दोहोरो आंकडामा रन बनाउन सकेनन् । सुदूरपश्चिमका दीनेश आग्रीले ३ विकेट लिए ।

२ सय १ रनको लक्ष्य पछ्याएको सुदूरपश्चिमाञ्चलको ब्याटिङ निकै कमजोर रह्यो । एपिएफका बसन्त रेग्मीले ३ ओभरमा १ मेडनसहित १० रन खर्चेर ३ विकेट लिए । करन केसी, भूवन कार्की र प्रदीप ऐरीले समान १ विकेट लिए । सूदुरपश्चिमाञ्चका लागि दीपक मल्ले सबैभन्दा बढी २१ रन जोडे । दुई खेलमा एपिएफको ४ अंक छ भने त्रिभुवन आर्मी क्लबको २ अंक छ । सूदुरपश्चिमाञ्चल र मध्यपश्चिमाञ्चल अंक बिहिन छन् ।

प्रतिकृया दिनुहोस

प्रतिकृया

Loading...