विराट र हार्दिकको उच्च प्रदर्शनमा भारत विजयी


Published: October 16, 2016 | प्रकाशित: आइतवार, अशोज ३०, २०७३

धर्मशाला (एजेन्सी)– भारतले पहिलो आइतबार एक दिवसिय क्रिकेटमा न्यूजिल्यान्डलाई ६ विकेटले हराएको छ । १ सय ९१ रनको लक्ष्य पछ्याएको भारतले ३३.१ ओभरमा ४ विकेट गुमाएर १ सय ९४ रन बनाएको छ । विराट कोहलीले अविजित ८५ रन त्यसअघि डेब्यू गरेका हार्दिक पाण्डेयले ३१ रन खर्चेर ३ विकेट लिएका थिए । पाँच एक दिवसिय क्रिकेट श्रृखंलामा भारतले १–० ले अघि बढेको छ ।

India New Zealand Cricket

ओपनर रोहित शर्मा (१४) र अजिन्के राहाने (३३) ले पहिलो विकेटका लागि ४९ रनको साझेदारी गरेका थिए । शर्मालाई डाउग ब्रेसवेलले दसौं ओभरमा आउट गरेका थिए । रहानले ४ चौका र २ छक्का प्रहार गरेका थिए । उनी १२ औं ओभरमा जेम्स निसहमको बलमा आउट भएका थिए । १७ रन बनाएका मनीष पाण्डेले तेस्रो विकेटका लागि कोहलीसँग ४० रनको साझेदारी गरेका थिए । मनीष इश सोदीको बलमा आउट भएका थिए । कोहलीले ५५ बलमा एक दिवसिय क्रिकेटमा व्यक्तिगत ३७ औं अर्धशतक पुरा गरेका थिए । ८१ बल खेलेका उनले ९ चौका र १ छक्का प्रहार गरेका थिए । कोहलीले चौथो विकेटका लागि कप्तान महेन्द्र सिंह धोनी (२१) सँग ६० रनको साझेदारी गरेका थिए । तर २९ औं ओभरमा धोनी रनआउट भएपछि यी दुईको साझेदारी टुटेको थियो । केदार यादवले अविजित १० रन बनाए ।
यसै बर्ष ट्वान्टी २० विश्वकपमा कमजोर प्रदर्शन गरेपछि हार्दिक जिम्बावे भ्रमणमा टोलीमा पर्न सकेनन् । भारत एका लागि अस्ट्रेलिया भ्रमणमा उच्च प्रदर्शन गरेपछि उनी पुन टोलीमा समेटिएका थिए । हार्दिक म्यान अफ दी म्याच चुनिएका थिए ।
त्यसअघि न्युजिल्यान्डले भारत भ्रमणका दौरान लगातार चौथो पटक टस हारेको थियो । एक समय न्यूजिल्यान्डले ७ विकेटको क्षेतिमा मात्र ६५ रन बनाएको यिथो । हार्दिकले पहिलो स्पेलमा मार्टिन गुप्टिल (१२), कारे एन्डरसन (४) र लुक रोची (०) को विकेट लिएका थिए । अर्कोतर्फ उमेश यादलले २ विकेट लिने क्रममा काने विलियम्सन (३) र रोस टेलर (०) लाई आउट गरेका थिए । केदारले पनि २ विकेट लिएका थिए । त्यस्तै अमित मिश्राले ३ विकेट हात पारेका थिए ।
ओपनर टोम लाथम र बलर टिम साउथीको अर्धशतकमा न्यूजिल्यान्डले मध्यम स्कोर बनाएको थियो । लाथमले अविजित ७९ र साउथीले ५५ रन बनाएका थिए । न्युजिल्यान्डका ओपनिङ गरेर इनिङको अन्तिम सम्म ब्याटिङ गर्ने लाथम पहिलो खेलाडी हुन् । त्यसरी ब्याटिङ गर्ने उनी समग्रमा उनी दसौं खेलाडी हुन् । ६ चौका र ३ छक्का प्रहार गरेका साउथीले एक दिवसियमा पहिलो पटक अर्धशतक पुरा गरेका हुन् ।

प्रतिकृया दिनुहोस

प्रतिकृया

Loading...