रुस्लान थ्री स्टारले खेल्न नपाएको विषयमा छानबिन राखेपले पनि समिति गठन गर्यो


Published: December 16, 2016 | प्रकाशित: शुक्रबार, पुस १, २०७३

काठमाडौं (हाम्रो खेलकुद)– रुस्लान थ्री स्टार क्लब एएफसी प्ले अफमा खेल्न नपाएका विषयमा छानबिन गर्न अर्को छानबिन समिति गठन भएको छ । फुटबलमा भएको अनियमितता र गै¥ह जिम्मेवारीका बारेमा छानबिन गरि सत्य तथ्य पत्ता लगाई प्रतिवेदन बुझाउन भन्दै राष्ट्रिय खेलकुद परिषद (राखेप) शुक्रबार आफ्ना सदस्य देव कुमार अधिकारीको संयोजकत्वमा ५ सदस्यीय छानविन समिति गठन गरेको छ ।

ANFA Three Star Help

समितिको सदस्यहरुमा राखेपका प्रशासन प्रमुख मधुसुदन बस्नेत, खेलकुद विकास विभाग प्रमुख कुलबहादुर थापा, संघ संस्था प्रमुख डेमबहादुर बस्नेत र राखेप कानून बिज्ञ धनबहादुर बस्नेत रहेका छन् । युवा तथा खेलकुद मन्त्रालयको निर्देशनमा राखेपले छानविन समिति गठन गरेको राखेपले उल्लेख गरेको छ ।

थ्री स्टारले ६ करोड रुपैयाँको क्षेतिपूर्ति माग गर्नुका साथै दोषीमाथि कारवाही होस् भनि अख्तियार दुरुपयोग अनुसन्धान आयोगमा दिएको उजुरीका आधारमा अख्तियारले युवा तथा खेलकुद मन्त्रालयलाई छानविन गर्न निर्देशन दिएको थियो ।

एसियाली फुटबल महासंघ (एएफसी) ले पटक पटक क्लबको सहभागिताका लागि एन्फालाई पत्रचार गर्दा पनि एन्फाले त्यसलाई वेवस्ता गरेकाले थ्री स्टार सहभागिताबाट बञ्चित भएको थियो । एन्फाले आफ्नो गल्ति स्वीकार गर्दै मंसिर २४ गते उपाध्यक्ष वीरबहादुर खड्काको संयोजकत्वमा तीन सदस्यीय छानविन समिति गठन गर्दै १५ दिन भित्र प्रतिवेदन बुझाउन भनेको छ ।

राखेपले अधिकारीको संयोजकत्वमा रहे्को छानविन समितिलाई एक महिना भित्र प्रतिवेदन बुझाउन समय सिमा तोकेको छ । सो समितिले महिला पछिल्ला समय महिला क्रिकेटमा भएको अनियमितता र गैर जिम्मेवारीको छानविन गर्ने जिम्मेवारी पाएको दिइएको छ ।

प्रतिकृया दिनुहोस

प्रतिकृया

Loading...