एपिएफ महिला फुटबलको सेमिफाइनल नजिक


Published: December 20, 2016 | प्रकाशित: मङ्लबार, पुस ५, २०७३

सातौं राष्ट्रिय खेलकुद
काठमाडौं (हाम्रो खेलकुद)– सातौं राष्ट्रिय खेलकुदअन्तर्गत महिला फुटबलमा एपिएफले लगातार दोस्रो जित हासिल गर्दै सेमिफाइनलको नजिक पुगेको छ । सुनसरीको दुहबी रंगशालामा एपिएफले सुदूरपश्चिमाञ्चललाई ४–१ ले हराएको छ । त्यस्तै अर्को खेलमा मध्यमाञ्चलले मध्यपञ्चिमाञ्चललाई ३–० ले पराजित गरेको थियो ।

apf

समूह कमा एपिएफले पहिलो खेलमा पश्चिमाञ्चललाई ३–० ले हराएको थियोउ । मंगलबारको जितमा एपिएफकी अनिता केसी प्लेयर अफ दी म्याच घोषित भइन् । अर्को खेलमा मध्यमाञ्चलकी रश्मिकुमारी घिसिङ प्लेयर अफ दी म्याच घोषित भएकी थिइन् ।

apf-11

पुस ११ गते देखि भारतको सिलगुढीमा हुने महिला साफ च्याम्पियनसिपमा नेपाली टोलीको सहभागिता रहने भएकोले सातौंको महिला फुटबल पुस २ गतेबाटै सुरु भएको थियो । प्रतियोगितामा पाँच विकास क्षेत्र र तीन विभागीय गरि आठ टोलीको सहभागिता रहेको छ ।

दुई समूहमा विभाजन गरी लिग कम नकआउट आधारमा प्रतिस्पर्धा भइरहेको छ । समूहका शीर्ष दुई टोली सेमिफाइनल पुग्नेछन् ।

प्रतिकृया दिनुहोस

प्रतिकृया

Loading...