गोलकिपर किरण माल्दिभ्स लागे


Published: January 9, 2017 | प्रकाशित: सोमवार, पुस २५, २०७३

काठमाडौँ (हाम्रो खेलकुद) – राष्ट्रिय टोलीका गोलरक्षक किरण चेम्जोङ माल्दिभ्सको पहिलो डिभिजन फुटबल खेल्न सोमबार त्यसतर्फ लागेका छन्

kiran

माल्दिभ्सको पहिलो डिभिजनको टोली टिम ट्रस्ट एन्ड केयर (टिसी) स्पोर्ट्स क्लबसँग एक बर्षको सम्झौतापछि उनी त्यसतर्फ जान लागेको हुन् । २०१० मा चटगाँउ अबाहानीबाट बंगलादेश प्रिमियर लिग खेलेका किरणको लागि यो दोश्रो विदशी क्लब हो। घरेलु फुटबलमा मछिन्द्रबाट व्यवसायिक खेल जीवन सुरु गरेका किरणले लामो समय रुस्लान थ्री स्टार क्लबमा विताएका थिए । पछिल्लो एक बर्षयता उनी लक्ष्मी हुन्डाई मनाङ मस्र्याङ्दी क्लबमा आबद्ध थिए ।

किरण सम्मिलित नेपाली टोलीले दुई महिना अघि मलेसियामा एएफसी सोलिडारिटी कप जितेको थियो । नेपालको अहिले सम्म ठूलो सफलतामा किरण पहिलो रोजाइमा थिए । सोलिडारिटी कपमा चारै खेल पोस्ट सम्हालेको उनले सेमिफाइनलमा लाउसविरुद्ध पेनाल्टी सुटआउटमा २ वटा पेनाल्टी रोकेका थिए । सोलिडारिटी कप जितेकै कारण २०१९ को एएफसी एसिया कपको छनोट खेल्ने अवसर पाएको छ ।

भोलि बिहान माल्दिभ्स पुगेपछि सम्पूर्ण कागजी प्रक्रिया सकेर किरण टोलीमा मिसिनेछन। प्रि सिजन चलिरहेकोले उनलाई त्यहाँ रिझ्न समय पुग्नेछ।

प्रतिकृया दिनुहोस

प्रतिकृया

Loading...