फिफा अवार्डमा मेस्सी र बार्सिलोनामाथि रोनाल्डोको व्यंग्य


Published: January 10, 2017 | प्रकाशित: मङ्लबार, पुस २६, २०७३

ज्युरीच (एजेन्सी) – सोमबार राति स्विट्जरल्यान्डको ज्युरीचमा आयोजित फिफाको २०१६ फुटबल अवार्डमा पोर्चुगल एवं रियल म्याड्रिडका क्रिस्टियानो रोनाल्डोले ‘द बेष्ट’ पुरुष खेलाडीको उपाधि जिते।

cristiano-ronaldo-the-best

उक्त पुरस्कार समारोहमा बार्सिलोनाका कोहि पनि खेलाडी उपस्थित थिएनन्। लिओनेल मेस्सी, लुइस सुआरेज, अन्द्रेस इनिएस्टा र जेरार्ड पिके फिफा एघारमा पर्ने सम्भावना हुदाँहुदैंपनि क्लबको बुधबार हुने खेलको बहाना देखाएर अनुपस्थित भएका थिए। शिर्ष तिन खेलाडीमध्य एक रहेका लिओनेल मेस्सिको अनुपस्थितिले कार्यक्रम केहि खल्लो भएको अभिव्यक्ति पनि केहिले दिएका थिए।

यसैबीच ‘द बेष्ट’ पुरुष खेलाडीको उपाधि ग्रहण गरिसकेपछि मंचमा पुगेका रोनाल्डोले बार्सिलोनाका खेलाडीहरु नआएकोमा व्यंग्य प्रहार गरे। ‘आज हामीमाझ बार्सिलोनाका खेलाडीहरु छैनन्, र म बुझ्छु कि उनीहरु किन नआएका हुन्। उनीहरु भएको भए माहोल अझ अर्कै हुने थियो।’, रोनाल्डोले हाँस्दै भने।

रोनाल्डोसंगै बार्सिलोनाका पुर्व खेलाडी एवं हाल युभेन्टसबाट खेल्दै फिफा एघारमा पर्न सफल ब्राजिलक ड्यानी आल्भेसले पनि बार्सिलोनाका खेलाडी नआएकोमा असन्तुष्टी जनाए।

प्रतिकृया दिनुहोस

प्रतिकृया

Loading...