काभ्रेमा अर्को महिना राष्ट्रिय बिच भलिबल हुने


Published: November 11, 2016 | प्रकाशित: शुक्रबार, कार्तिक २६, २०७३

काठमाडौं (हाम्रो खेलकुद) – नेपाल भलिबल संघको आयोजना एवं काभ्रे जिल्ला भलिबल संघको व्यवस्थापनमा अर्को महिना राष्ट्रिय पाँचौं महिला तथा छैटौं पुरुष विच भलिबल प्रतियोगिता हुने भएको छ ।

beach-volleyball

काभ्रे जिल्लाको दोलालघाटस्थित सुनकोसी नदी किनारमा मंसिर १६ देखि १८ गतेसम्म सञ्चालन हुने प्रतियोगितामा ५ विकास क्षेत्र र ३ विभागीयसहित पुरुष र महिलामा १६÷१६ टोलीको सहभागिता रहने शुक्रबार आयोजित पत्रकार सम्मेलनमा जानकारी दिइयो । महिला पुरुष गरि ६४ खेलाडीले प्रतिस्पर्धा गर्ने संघका महासचिव जितेन्द्रबहादुर चन्दले बताए ।

प्रतियोगिताको विजेता महिला÷पुरुषले समान २५ हजार दोस्रो हुने टोलीले १५ हजार र तेस्रो हुने टोलीले १० हजार रुपैयाँ प्राप्त गर्नेछन् ।
नेपाल भलिबल संघका सदस्य एवं काभ्रे जिल्ला भलिबल संघका अध्यक्ष तीर्थ श्रेष्ठको संयोजकत्वमा प्रतियोगिता आयोजक कमिटी गठन गरिएको छ । संघले प्रतियोगिताको व्यवस्थापन गर्ने काभ्रे जिल्ला भलिबल संघलाई १ लाख २५ हजार रुपैयाँसहित बल र नेट उपलब्ध गराउने भलिबल संघका अध्यक्ष मनोरञ्जनरमन शर्माले बताए ।

काभ्रे जिल्लासंघले खेलाडीहरूको बसोबास, खाना र यातायातको सम्पूर्ण खर्च बेर्होन संयोजक श्रेष्ठले बताए । प्रतियोगितामा झन्डै १२ लाख ५० हजार रुपैयाँ खर्च हुने बताइएको छ ।

प्रतिकृया दिनुहोस

प्रतिकृया

Loading...