काठमाडौं (हाम्रो खेलकुद)- सुनीलकुमार शाहीले काठमाडौं म्याराथनको १७ औं संस्करणको उपाधि जितेका छन्।

दशरथ रंगशालाबाट सुरु भएको म्याराथन २ घन्टा २४ मिनेट ५४ सकेन्ड समयका साथ पहिलो स्थान हासिल गरेका छन्। विजेता सुनीलले १ लाख रुपैयाँ प्राप्त गरे।

विनोद रोक्काले २ घन्टा २५ मिनेट २६ सकेन्ड समयसहित दोस्रो भए । २ घन्टा २६ मिनेट ४२ सकेन्ड समयका साथ करण रावल तेस्रो भए । विनादले ५० र करणले २५ हजार रुपैयाँ प्राप्त गरे।

पुरुष हाफ म्याराथनमा सञ्जय श्रेष्ठ विजयी भए । सञ्जयले १ घन्टा १० मिनेट १९ सेकेन्डसहिर पहिलो भए। नरेन्द्र सिंह (१ घन्टा १० मिनेट ५९ सेकेन्ड) दोस्रो र राजन मियोङबा (१ घन्टा ११ मिनेट २२ सेकेन्ड ) तेस्रो भए ।

महिला हाफ म्याराथनमा सुनसरी रोकाया १ घन्टा ३३ मिनेट २० सकेन्ड समयका साथ च्याम्पियन बनिन् । फुलमती राना (१ घन्टा ३३ मिनेट २२ सकेन्ड) दोस्रो र गीता महर्जन (१ घन्टा ५४ मिनेट ३४ सकेन्ड) तेस्रो भए ।

त्यसैगरी, मास्टर्स म्याराथन विधाअन्तर्गत ४० वर्ष मास्टर्समा केश जंग आले, ५० माथि धर्म महर्जन, ६० वर्ष माथि अभी नारायण अधिकारी विजयी भए।

हाफ म्याराथनतर्फ ४० वर्ष माथी नादी शेर्पा, ५० वर्ष माथि धवेन्द्र ताम्राकार विजेता बने । १० किलोमिटर पुरुषमा विवेक सुनुवार, महिला पूर्णलक्ष्मी न्यौपाने, पुरुष मास्टर्समा सुनील महर्जन र महिला मास्टर्समा कल्पना महर्जन विजयी भए ।

५ किलोमिटर पुरुषतर्फ नागेश्वर अहिर र महिलातर्फ प्रतिष्ठा थापा विजयी‌ भए । काठमाडौं म्याराथन एनआरएस स्पोर्टस फाउन्डेसनले आयोजना गरेको हो।