एजेन्सी – यूईएफए च्याम्पियन्स लिग अन्तर्गत क्वाटरफाइनल चरणको पहिलो खेलमा इटालियन क्लब एटलान्टा र फ्रान्सेली च्याम्पियन पेरिस सेन्ट जर्मेन (पीएसजी) खेल्दैछन् । दुवै टोलीको सुरुवाती रोजाईमा मुख्य फरवार्ड रहेका छैनन् ।

पीएसजीले चोटसँग संघर्ष गरिरहेका युवा फरवार्ड किलियन एमबाप्पेलाई बेन्चमा समेटेको छ । उनको अनुपस्थितिमा ब्राजिलियन नेयमार र अर्जेन्टिनी माउरो इकार्डीलाई स्पेनी मिडफिल्डर पाब्लो सराबियाले साथ दिनेछन् । मिडफिल्डको जिम्मेवारी आन्दर हरेरा र इड्रीसा गेयेसँगै मार्किन्हसले सम्हाल्नेछन् । मार्को भेराट्टी प्रतिबन्धका कारण उपलब्ध छैनन् ।

पीएसजीको डिफेन्समा कप्तान थियागो सिल्भा र प्रेस्नेल किम्पेम्बे मध्येभागमा रहेका छन् । लेफ्ट ब्याक जान बर्नाट र राइट ब्याकमा थिलो केहरारछन् । प्रशिक्षक थोमस टचेलले गोलरक्षकमा केलर नाभासले नै निरन्तरता पाएका छन् । डिफेन्डर लेभीन कुर्जावा पनि प्रतिबन्धका कारण बेन्चमा रहेका छैनन् ।

यता एटलान्टाले भने आफ्नो मुख्य फरवार्ड जोसिप इलिचिचको अनुपस्थितिमा मुख्य फरवार्डको जिम्मेवारी डुभान जपाटालाई सुम्पिएको छ । उनलाई कप्तान पापु गोमेज र मारियो पासालीचले सहयोग गर्नेछन् । मिडफिल्डमा रिमो फ्रुलर र मार्टेन डे रुन रहेका छन् ।

विङ्गब्याकका रुपमा हान्स हाटबोर र रोबिन गोसेन्स रहेका छन् । प्रशिक्षक जियान पिएरो गास्पेरिनीले तीन खेलाडी सम्मिलित डिफेन्समा राफाएल टोलोई, माटिया काल्डारा र बेराट जिम्सितीलाई खेलाएका छन् । गोलरक्षकमा मार्को स्पोर्टीएल्लोले खेल्नेछन् ।

खेल नेपाली समयानुसार १२:४५ बजे सुरु हुनेछ । यस खेलमा जित हासिल गर्ने टोलीले सेमिफाइनलमा एटलेटिको म्याड्रिड र आरबी लाइप्जिगको विजेतासँग प्रतिस्पर्धा गर्नेछ ।