एजेन्सी – नेपाली राष्ट्रिय क्रिकेट टोलीका कप्तान तथा लेगस्पिनर सन्दीप लामिछाने बिग ब्यास लिग २०२१/२२ मा होबार्टको १२ औं खेलमा सिड्नी थन्डरविरुद्ध राम्रो प्रदर्शन गरेका छन् । सन्दीपको राम्रो प्रदर्शनको सहयोगमा होबार्टले सिड्नीलाई ९ रनले हराएको छ ।

१ सय ७८ रनको विजयी लक्ष्य पछ्याएको सिड्नीले निर्धारित २० ओभरमा ९ विकेट गुमाउँदै १ सय ६८ रन बनायो । सिड्नीका एलेक्स हेल्सले १७ बलमा ७ चौका र १ छक्कासहित ३८ रन बनाए । ज्यासन सांघाले १९ बलमा ३ चौका र १ छक्कासहित ३१ रन बनाए । सांघा आउट हुँदा सिड्नी ८.१ ओभरमा ९२–३ को बलियो अवस्थामा रहेपनि मध्यक्रम नचल्दा पराजित भएको हो । त्यसपछिका ब्याटर चल्न नसक्दा पराजित हुन पुगेको ।

सन्दीपले ४ ओभरमा २६ रन खर्चेर २ विकेट लिए । राइली मेरिडिथले ४ ओभरमा २९ रन खर्चेर ३ विकेट लिए । जोर्डन थोम्पसनले ३ ओभरमा २४ रन खर्चेर ३ विकेट लिए ।

त्यसअघि टस जितेर पहिला ब्याटिङ थालेको होबार्टले निर्धारित २० ओभरमा ६ विकेट गुमाउँदै १ सय ७७ रन बनाएको थियो । होबार्टका कप्तान म्याथ्यु वेडले ५४ बलमा ८ चौका र २ छक्कासहित ८३ रनको अविजित इनिङ खेले । कालेव ज्वेलले ३२ बलमा ५ चौका र ३ छक्का सहित ५१ रन बनाए । गुरिन्दर सान्धुले सर्वाधिक २ विकेट लिए ।

यस्तो रह्यो सन्दीपको प्रदर्शन

सन्दीपलाई होबार्टले छैटौं ओभरमा बलिङमा ल्याएको थियो । पहिलो बलमा सन्दीपले ड्यानियल साम्सलाई एक रन दिएका थिए । दोस्रो बलमा ज्यासन सांघालाई एक रन दिए । तेस्रो र चौथो बलमा पनि सन्दीपले एक एक रन खर्चिए । पाँचौं बल डट गरेपनि अन्तिम बलमा साम्सले सन्दीपलाई चौका प्रहार गरेका थिए ।

दशौं ओभरमा सन्दीपले पाँच रन खर्चिए । पहिलो बलमा ओलिभर डेभिसलाई पहिलो बलमा एक र दोस्रो बलमा साम्सलाई डट राखे । बाँकी चार बलमा सन्दीपले एक एक रन खर्चेका थिए । जसमा पाँचौं बलमा लेगवाईको रुपमा थियो ।

१३ औं ओभरमा पनि सन्दीपले विकेट लिन सकेनन् । सन्दीपले पहिलो बलमा एक र दोस्रो बलमा डट राखेका थिए । तेस्रो बलमा ब्याक्सटर होल्टले दुई रन बटुले । चौथो र पाँचौं बलमा एक एक रन दिए । अन्तिम बलमा होल्टले डिप स्क्वायर लेगमा चौका प्रहार गरे ।

सन्दीपले १८ औं ओभरमा मात्र पाँच रन खर्चेर दुई विकेट लिएका थिए । सिड्नीलाई जितको लागि १८ बलमा ३१ रन चाहिँएको अवस्थामा सन्दीपले दुई महत्वपूर्ण विकेट लिँदै जित पक्का गराए । पहिलो बलमै होल्ट ज्वेलबाट डिप मिडविकेटमा १७ रनमा क्याच आउट भएका थिए ।
दोस्रो बल नाथन म्याकएन्ड्रयुलाई डट राख्दा तेस्रो बल चौका प्रहार गरेका थिए ।

चौथो बलम नथान मिडविकेटमा ज्वेलबाट ३० रनमा क्याच गराउँदै जित सहज बनाए । पाँचौं बल डट र अन्तिम बलमा एक रनका साथ आफ्ने स्पेल सकाए ।

जारी बिग ब्यासमा सन्दीपको प्रदर्शन

सन्दीप जारी बिग ब्यासमा १२ खेलमा १२ विकेट लिएका छन् । पाँच खेलमा विकेट विहीन छन् । पहिलो खेलमा सिड्नी सिक्सर्ससँग १ विकेट लिएका थिए । सन्दीप दोस्रो खेलमा सिक्सर्ससँगनै विकेट विहीन बनेका थिए । तेस्रो खेलमा पर्थ स्कोचर्ससँग १ विकेट लिँदा चौथो खेलमा पर्थ स्कोचर्सविरुद्ध ४ ओभरमा ३९ रन खर्चेपनि विकेट लिन सकेका थिएनन् ।

मेलबर्न स्टार्ससँग ४ ओभरमा ३२ र पर्थ स्कोचर्ससँग ४ ओभरमा ३९ रन खर्चिदा लगातार विकेट विहीन बनेका थिए । सन्दीपले एडिलेड स्ट्राइकर्सविरुद्ध ३ ओभरमा ३१ रन खर्चेपनि विकेट लिन सकेका थिएनन् । मेलबर्न रेनेगड्सविरुद्ध सन्दीपले ३.५ ओभरमा ३२ रन खर्चेर तीन विकेट लिएका थिए ।

ब्रिसबेन हीटविरुद्ध ४ ओभरमा ३७ रन खर्चेर १ विकेट लिएका थिए । नवौं खेलमा सन्दीपले एडिलेड स्ट्राइकर्सविरुद्ध ४ ओभरमा २२ रन खर्चेर २ विकेट लिएका थिए । दशौं खेलमा सन्दीपले ब्रिसबेन हीटसँग ४ ओभरमा २३ रन खर्चेर २ विकेट लिएका थिए । ११ औं खेलमा सन्दीपले सिड्नी थन्डरसँग ३.२ ओभरमा २१ रन खर्चे पनि विकेट लिन सकेका थिएनन् ।

होबार्टले अव १७ जनवरीमा मेलबर्न रेनेगड्सविरुद्ध खेल्नेछ । होबार्ट १२ खेलमा ६ मा जित र ६ मा हार सहित चौथो स्थानमा छ ।