काठमाडौं (हाम्रो खेलकुद) – नेपालले जिम्बावे एसँग तीन टि२० अभ्यास खेल अन्तर्गत दोस्रो खेलमा टस जितेर पहिला फिल्डिङ गर्ने निर्णय लिएको छ । टियु क्रिकेट मैदानमा नेपालका कप्तान सन्दीप लामिछानेले टस जितेर पहिला फिल्डिङ गर्ने निर्णय लिएका हुन् ।

नेपालले आजको खेलमा टोलीमा एक परिवर्तन गरेको छ । आरिफ शेखको स्थानमा नेपालले भीम सार्कीलाई मौका दिएको छ । आरिफ आजको खेलमा नेपालले बुझाएको अन्तिम लिष्टको सुचिमै छैनन् ।

नेपाल जितका साथ तीन खेलको सिरिज १–१ को बराबरी गर्ने सोचमा हुनेछ । जिम्बावे लगातार दुई खेलका साथ एक खेल अगावै सिरिज जित्ने सोचमा हुनेछ ।पहिलो खेलमा नेपाल जिम्बावे ए सँग ६ विकेटले पराजित भएको थियो ।

कप्तान टोनी मुन्योंगाले २३ बलमा ७ छक्कासहित ५० रन बनाउँदै सहज जित दिलाएका थिए । ओपनर तडिवानाशे मरुमानीले ५६ रनको इनिङ खेलेका थिए । ओपनर इन्सेन्ट कैयाले पनि राम्रो सुरुवात दिएका थिए । नेपाली बलिङविरुद्ध टियुको ब्याटिङ सहयोगी पिचमा खुलेर रन बनाएका थिए ।

नेपालको प्लेइङ ११ :

सन्दीप लामिछान (कप्तान), आसिफ शेख, रोहित पौडेल, दीपेन्द्रसिंह ऐरी, भीम सार्की, आदिल अन्सारी, करण केसी, सोमपाल कामी, कुशल भुर्तेल, अभिनाश बोहरा र बसिर अहमद ।