काठमाडौं (हाम्रो खेलकुद) – नेपाल क्रिकेट संघ (क्यान) को फ्रेन्चाइज लिग विदेशी कम्पनिलाई दिने निर्णयविरुद्ध एभरेस्ट प्रिमियर लिग (इपिएल) र लिगमा सहभागी ६ टोलीले सर्वोच्च अदालतमा रिट निवेदन दायर गरेका छन् ।

इपिएलले यसअघि नै क्यानले गरेको निर्णय पुनर्विचार गर्न आग्रह गर्दै पत्रकार सम्मेलन गरेको थियो । उक्त पत्रकार सम्मेलनमा जारी गरिएको प्रेस विज्ञप्तिमा इपिएल र सहभागी टोलीका कर्पोरेट संस्थाले क्यानलाई आर्थिक तथा अन्य कुनै रुपमा सहयोग नगर्ने चेतावनी दिएका थिए । क्यानले उक्त प्रेस विज्ञप्तिको खण्डन गर्दै क्यानलाई धम्क्याएको भन्ने अर्थ लगाउँदै त्यसो नगर्न अर्को विज्ञप्ति जारी गरेको थियो ।

इपिएलले विहीबार अर्को प्रेस विज्ञप्ति जारी गर्दै इपिएलले मात्र पाँचौ संस्करण आयोजना गर्न दिनका लागि माग गरेको जनाएको छ । सँगसँगै इपिएलले क्यान र भारतीय कम्पनीबीच भएको सम्झौता नेपालको कानुन विपरित रहेको र यो प्रक्रिया पारदर्शी नभएको जनाएको छ । यसैको विरुद्धमा इपिएल र सहभागी टोलीले प्रतियोगिता आयोजना गर्न दिएको निर्णय तत्काल रोक्का गर्न (स्टे अर्डर) को मागसहित सर्वोच्चमा रिट निवेदन दायर गरेको विज्ञप्तिमा उल्लेख गरिएको छ ।

इपिएलको पहिलो प्रेस विज्ञप्ति :

क्यानको जवाफी प्रेस विज्ञप्ति :

इपिएलको दोस्रो प्रेस विज्ञप्ति :