एजेन्सी – उपाधिको दाबेदार पाकिस्तानले यसै महिना अन्तिममा युएईमा हुने टि२० एसिया कपको लागि १५ सदस्य टोली घोषणा गरेको छ । बाबर आजमको कप्तानीमा पाकिस्तानले बलियो टोली घोषणा गरेको छ ।

घोषणा टोलीमा बाबरसँगै, मोहम्मद रिजवान, शाहिन शाह अफ्रिदी, आसिफ अली र फखार जमान जस्ता खेलाडी रहेका छन् । पाकिस्तानका हसन अली भने छैनन् । उनको स्थान नसिम शाहले लिएका छन् । पाकिस्तानको तीव्र गतिको बलरको रुपमा अफ्रिदी, नसिम शाह, मोहम्मद वासिम जुनियर र शहनजवाज डाहनी रहेका छन् ।

एसिया कप २७ अगष्ट देखि ११ सेप्टेम्बर सम्म युएईमा हुनेछ । समूह ए मा पाकिस्तान, भारत र छनोट भएर आउने एक टोली हुनेछन् । छनोटमा युएई, कुवेत, हङकङ र सिंगापुर छन् । शीर्ष स्थानमा रहने टोलीले भारत र पाकिस्तानसँग खेल्न पाउने छन् ।

समूह बी मा अफगानिस्तान, बंगलादेश र श्रीलंका छन् । दुबै समूहका शीर्ष दुई दुई टोली सुपर फोरमा प्रतिस्पर्धा गर्नेछन् । शीर्ष दुई टोली फाइनलमा पुग्नेछन् । भारत र पाकिस्तान प्रमुख उपाधिका दाबेदार टोली हुन् । गतवर्ष टि२० विश्वकपमा युएईमै भारत पाकिस्तानसँग १० विकेटले पराजित भएको थियो । पाकिस्तान त्यो नतिजालाई निरन्तरता दिन चाहन्छ । भारत बदला लिने सोचमा हुनेछ ।

पाकिस्तानको एसिया कप खेल्ने टोली :

बाबर आजम (कप्तान), शादब खान (उपकप्तान), आसिफ अली, फखार जमान, हैदर अली, हरिस रौफ, इफ्तिखर अहमद, खुशदील शाह, मोहम्मद नवाज, मोहम्मद रिजवान (विकेटकिपर), मोहम्मद वासिम जुनियर, नसिम शाह, शाहिन शाह अफ्रिदी, शहनवाज दाहनी र उस्मान कादिर ।