काठमाडौं (हाम्रो खेलकुद) – काठमाडौंमा जारी नवौं राष्ट्रिय खेलकुद प्रतियोगिता अन्तर्गत क्रिकेट प्रतियोगितामा एनआरएनए स्पोर्ट्स एकेडेमी र नेपाल पुलिस क्लबले क्लबबीचको दोस्रो सेमिफाइनल खेल ८–८ ओभरको हुने भएको छ ।

टियु क्रिकेट मैदानमा खेल दिउँसो १ ः १५ मा सुरु हुनुपर्ने थियो । तर बुधबार परेको वर्षाको कारण खेल ढिलो हुन सुरु भएको थियो । अम्पायरको चौथो पटकको मैदान निरिक्षणपछि खेल गर्ने निर्णय लिएका हुन् ।

टस दिउँसो ३ : १५ र खेल सुरु त्यसको १५ मिनेटपछि हुनेछ । यदि यस खेल वर्षाको कारण रद्ध भएमा भने एनआरएनए फाइनलमा पुग्नेछ । एनआरएनए नेपाल समूह बी को विजेता र पुलिस समूह बी को उपविजेताको रुपमा फाइनल खेलेका हुन् ।

बिहान पहिलो सेमिफाइनल खेल भने रद्द हुँदा आर्मी सेमिफाइनलमा पुगेको छ । आर्मी समूह ए को विजेता हुँदा फाइनलमा पुगेको हो । शुक्रबार तेस्रो र फाइनलको लागि प्रतिस्पर्धा हुनेछ ।

समूह बी बाट एनआरएनए नेपाल ४ खेलमा १ मा जित र ३ खेलमा अंक बाँड्दै पाँच अंकका साथ शीर्ष स्थानमा रहँदै समूह विजेताको रुपमा सेमिफाइनलमा स्थान बनाएको थियो । उपाधि दावेदार एपिएफ र बागमती प्रदेश एक खेल पनि खेल्न नपाई बाहिरिएपछि समूह बी बाट एनआरएनए र सुदूरपश्चिमले सेमिफाइनलमा स्थान बनाएका थिए ।

सुदूरपश्चिम ४ खेलमा १ मा जित, १ मा हार र २ खेल अंक बाँड्दै ४ अंकका सेमिफाइनलमा स्थान बनाएको थियो । तर समूह उपविजेताको कारण बाहिरियो ।

सुदूरपश्चिम, बागमती र एपिएफको ४–४ अंक थियो । सुदूरपश्चिमले एक खेल जितेको हुँदा नियम अनुसार सेमिफाइनलमा पुगेको हो । नियम अनुसार समान अंक भएमा जित हेर्ने गरिन्छ ।

आर्मी ५ खेलमा ३ मा जित र २ खेलमा अंक बाँड्दै ८ अंकका साथ शीर्ष स्थानमा रहँदै समूह विजेता बनेको थियो । पुलिस ५ खेलमा २ मा जित, एकमा हार र २ मा अंक बाँड्दै ६ अंकका साथ नेटरनरेटमा दोस्रो स्थानमा रहँदै सेमिफाइनलमा स्थान बनायो । कर्णाली ५ खेलमा २ मा जित, १ मा हार र २ खेलमा अंक बाँड्दै ६ अंक भएपनि नेटरनरेटको कारण बाहिरिएको हो ।