काठमाडौं(हाम्रो खेलकुद) – काठमाडौंमा जारी नवौं राष्ट्रिय खेलकुद अन्तर्गत क्रिकेट प्रतियोगिता दोस्रो सेमिफाइनल खेलमा नेपाल पुलिस क्लबले एनआरएनए स्पोर्ट्स एकेडेमीविरुद्ध पहिला ब्याटिङ गर्ने भएको छ ।

टियु क्रिकेट मैदानमा नेपाल पुलिस क्लबका कप्तान दीपेन्द्रसिंह ऐरीले टस जितेर पहिला ब्याटिङ गर्ने निर्ण लिएका हुन् । खेल ८–८ ओभरको हुने भएको छ ।

टियु क्रिकेट मैदानमा खेल दिउँसो १ :१५ मा सुरु हुनुपर्ने थियो । तर बुधबार परेको वर्षाको कारण खेल ढिलो हुन सुरु भएको थियो । अम्पायरको चौथो पटकको मैदान निरिक्षणपछि खेल गर्ने निर्णय लिएका हुन् ।

टस दिउँसो ३ स् १५ र खेल सुरु त्यसको १५ मिनेटपछि हुनेछ । यदि यस खेल वर्षाको कारण रद्ध भएमा भने एनआरएनए फाइनलमा पुग्नेछ । एनआरएनए नेपाल समूह बी को विजेता र पुलिस समूह बी को उपविजेताको रुपमा फाइनल खेलेका हुन् ।

बिहान पहिलो सेमिफाइनल खेल भने रद्द हुँदा आर्मी सेमिफाइनलमा पुगेको छ । आर्मी समूह ए को विजेता हुँदा फाइनलमा पुगेको हो । शुक्रबार तेस्रो र फाइनलको लागि प्रतिस्पर्धा हुनेछ ।

समूह बी बाट एनआरएनए नेपाल ४ खेलमा १ मा जित र ३ खेलमा अंक बाँड्दै पाँच अंकका साथ शीर्ष स्थानमा रहँदै समूह विजेताको रुपमा सेमिफाइनलमा स्थान बनाएको थियो । उपाधि दावेदार एपिएफ र बागमती प्रदेश एक खेल पनि खेल्न नपाई बाहिरिएपछि समूह बी बाट एनआरएनए र सुदूरपश्चिमले सेमिफाइनलमा स्थान बनाएका थिए ।

सुदूरपश्चिम ४ खेलमा १ मा जित, १ मा हार र २ खेल अंक बाँड्दै ४ अंकका सेमिफाइनलमा स्थान बनाएको थियो । तर समूह उपविजेताको कारण बाहिरियो ।