काठमाडौं (हाम्रो खेलकुद) – युवा तीव्र गतिका बलर किशोर महतो एकवर्षपछि नेपालको प्लेइङ ११ मा मौका पाएका छन् । नेपालले आइसिसी विश्वकप छनोट अन्तर्गत सातौं स्थानको लागि आयरल्यान्डविरुद्ध किशोर महतोलाई मौका दिएको छ । नेपालले टस हारेर केहि समयमा ब्याटिङ गर्दै छ ।

नेपालले टोलीमा दुई परिवर्तन गरेको छ । प्लेअफमा युएईविरुद्ध टोलीमा रहेका आरिफ शेख र प्रतिश जि.सीलाई बेन्चमा राख्दै नेपालले कुशल मल्ल र किशोर महतोलाई मौका दिएको हो । किशोर नेपाली टोलीमा एक वर्षपछि फर्किएका हुन् ।

यसअघि उनी केहि सिरिजमा नेपालको टोलीमा रहेपनि खेल्ने अवसर पाएका थिएनन् । किशोरले नेपाली क्रिकेट टोलीबाट ओडिआईमा २०२२ जुलाईमा घरेलु टोली स्कटल्यान्डविरुद्ध डेब्यू गरेका थिए ।

उक्त खेल पछि किशोरले नेपालको टोलीबाट खेल्ने मौका पाएका थिएनन् । नेपाल एपिएफबाट घरेलु क्रिकेट खेल्ने किशोरले प्रतियोगितामा सानदार प्रदर्शन गर्दै आएका थिए । नेपाल टि२० लिगको उपाधि लुम्बिनी अल स्टार्सलाई जिताउन किशोरले उत्कृष्ट प्रदर्शन गरेका थिए । किशोर डेथ ओभर बलिङको लागि चिनिन्छन् ।

उनले डेथ ओभरमा लगातार राम्रो प्रदर्शन पनि गर्दै आएका छन् । नेपालले डेथ ओभरमा लगातार खराब प्रर्दशन गर्दै आएकोछ । त्यसैले उक्त भूमिकामा किशोरलाई मौका दिन लागेको हो ।