काठमाडौं (हाम्रो खेलकुद) – लुम्बिनी प्रदेशले पुष पहिलो सातादेखी काठमाडौंमा सुरु हुने प्रधानमन्त्री कप महिला टि२० राष्ट्रिय प्रतियोगिता खेल्ने टोली घोषणा गरेको छ ।

सरस्वती घर्तीमगरको कप्तानीमा घोषणा टोलीमा कृतिका मरासिनीलाई उपकप्तानको जिम्मेवारी दिएको छ । चमेली चौधरीलाई समेट्दै टोली घोषणा गरेको छ । टोलीमा खासै परिवर्तन भने गरेको छैन ।

पिएमकप महिला पुष ५ देखी १७ गतेसम्म मुलपानी र टियु क्रिकेट मैदानमा हुनेछ । प्रतियोगितामा ७ प्रदेश र नेपाल एपिएफ क्लबको सहभागीता रहनेछ । पहिलो पटक राउन्ड रोविनको आधारमा खेल हुनेछ । सबै टोलीले एक अर्कासँग खेल्नेछन् । शीर्ष चार टोली प्लेअफमा पुग्नेछन् ।

शीर्ष दुई टोलीले पहिलो क्वालिफायर खेल्नेछन् । विजेता टोली फाइनलमा पुग्दा पराजित हुने टोलीले दोस्रो क्वालिफायर खेल्ने अवसर पाउनेछ । एलिमिनेटरमा तेस्रो र चौथो स्थानमा रहने टोली भिड्नेछन् । एलिमिनेटरको विजेताले पहिलो क्वालिफायरमा पराजित हुने टोलीसँग फाइनलमा पुग्न प्रतिस्पर्धा गर्नेछ । लुम्बिनीले पुष ५ गते गण्डकी प्रदेशसँग खेल्दै सुरुवात गर्नेछ ।

लुम्बिनीको टोली :

सरस्वती घर्तीमगर (कप्तान), कृतिका मरासिनी (उपकप्तान), मधु डिसी, शर्मिला रोकामगर, कमला घर्तीमगर, सुष्मिता भुषाल, आश्मा पुलामी, कृति अधिकारी, रन्जु श्रेष्ठ, सुश्मिता बजागाईं, चमेली चौधरी, मनिषा राना र सरस्वती पुन ।

साक्षी भण्डारी, दीपा कुँवर, जिग्यारा थापा र सोस्तिका बजागाईं ।