एजेन्सी – भारतविरुद्ध दुई खेलाडीको शतकमा तेस्रो टेस्टमा अस्ट्रेलिया विशाल योगफल तर्फ उन्मुख भएको छ ।

वोर्डर गावास्कर ट्रफी सिरिजको तेस्रो टेस्टको पहिलो इनिङमा अस्ट्रेलिया विशाल योगफल तर्फ उन्मुख भएको हो ।

टस हारेर ब्याटिङको निम्तो पाएको घरेलु टोलीले पहिलो इनिङ अन्तर्गत दोस्रो दिन आइतवारको खेल सकिदा अस्ट्रेलियाले ७ विकेट गुमाएर ४ सय ५ रन बनाएको छ ।

अस्ट्रेलियाका लागि एलेक्स केरी ४५ तथा मिचेल स्टार्क ७ रनमा नट आउट छन् । त्यसअघि अस्ट्रेलियाका ट्राविस हेड तथा स्टिभ स्मिथले शतक पूरा गरेका थिए ।

हेडले १ सय ६० बलमा १ सय ५२ रन जोड्दै आउट भएका थिए । हेडले भारतविरुद्ध तेस्रो टेस्ट शतक पूरा गरेका हुन् । उनले दोस्रो टेस्टमा पनि शतक प्रहार गरेका थिए ।

स्मिथले १ सय ९० बलमा १ सय १ रनको शतकीय इनिङ खेले । चौथो विकेटका लागि हेड र स्मिथले २ सय ४१ रनको साझेदारी गरेका थिए । मार्नुस लाबुस्छेन १२ तथा ओपनर उस्मान ख्वाजा २१ रनमा आउट भए ।

भारतका लागि जसप्रित बुमराहले २५ ओभरमा ७२ रन खर्चिएर ५ विकेट लिए । मोहम्मद सिराज तथा नितिश कुमार रेड्डीले समान १ विकेट लिए ।

सिरिजकोको पहिलो टेस्टमा भारत २ सय ९५ रन विजयी भएको थियो। दोस्रो टेस्ट घरेलु टोलीले १० विकेटले जित्दै सिरिजमा १- १ को बराबरीमा गरेको थियो ।