काठमाडौं(हाम्रो खेलकुद) – जय ट्रफी मेन्स एलिट कपका लागि मधेश प्रदेशको टोली घोषणा भएको छ । एलिट कप भोलि सुरु हुँदैछ।

मधेश प्रदेश क्रिकेट संघले शुक्रवार हरिशंकर शाहको कप्तानीमा १५ सदस्यीय टोलीको घोषणा गरेको हो । बागमती प्रदेशसँग खेल्दै मधेशले प्रतियोगिताको सुरुवात गर्नेछ ।

मधेशले दोस्रो खेलमा नेपाल पुलिस क्लबको लिग चरणको अन्तिम खेलमा त्रिभुवन आर्मी क्लबको सामना गर्नेछ ।

नेपाल क्रिकेट संघ(क्यान) को आयोजनामा हुने जय ट्रफी पुस २१ देखि २९ गते सम्म मधेश प्रदेशको जनकपुर र वीरगन्जमा हुनेछ ।

जय ट्रफीमा २०२४ को सुरुवातमा भएको प्रधानमन्त्री कप राष्ट्रिय एकदिवसीय क्रिकेट प्रतियोगिताको शीर्ष ४ टोली(नेपाल पुलिस क्लब, त्रिभुवन आर्मी क्लब, बागमती प्रदेश तथा मधेश प्रदेश) को सहभागिता रहने छ ।

सिङ्गल राउण्ड रोबिन लिगका आधारमा संचालन हुने प्रतियोगिताको शीर्ष २ टोलीबीचमा फाइनल हुनेछ । क्यानका अनुसार लिग चरणका खेल दुई दिवसीय र फाइनल तीन दिवसीय ढाँचामा खेलाइने छ ।

मधेश प्रदेशको टोली

हरि शंकर शाह(कप्तान), मयन यादव, साहिल पटेल, रुपेश सिंह, अभिषेक तिवारी, राजेश यादव, भुलवान साहनी, विशाल पटेल, हिमाशुं दत्त, प्रदिप पासवान, अरफुदीन रेन, रञ्जित कुमार, राहुल मण्डल, शैलेन्द्र शाह र निरज कुमार यादव

वैकल्पिक खेलाडीहरु

अरनिको यादव, विशाल सुशलिङ, राज पटेल र सफवान अलि