एजेन्सी – इङ्ग्ल्याण्डविरुद्धको दोस्रो टि ट्वान्टी आईमा भारत विजयी भएको छ ।

भारतले शनिवार इङ्ग्ल्याण्डलाई २ विकेटले हो । भारतले ५ खेलको टि ट्वान्टी आई सिरिजमा २-० को अग्रता बनाएको छ । पहिलो टि ट्वान्टी आईमा भारत ७ विकेटले विजयी भएको थियो ।

१ सय ६६ रनको मध्यम लक्ष्य भारतले १९.२ ओभरमा ८ विकेट गुमाएर पूरा गर्यो । भारतको जितमा लितक बर्माले नट आउट रहँदै सर्वाधिक ७२ रन जोडे । उनले ५५ बलमा ४ चौका र ५ छक्का प्रहार गरे ।

वासिंटन सुन्दरले १९ बलमा २६, कप्तान सुर्यकुमार यादव र ओपनर अभिषेक शर्माले समान १२ तथा रवि विष्नोइले नट आउट ९ रन जोडे ।

इङग्ल्याण्डका बाइडेन कार्सले ३ तथा मार्क वुड, आदिल राशिद, जेम्स ओभरटर्न र लियम लिविङ्स्टोनले समान १ विकेट लिए ।

त्यसअघि चेन्नईमा टस हारेर ब्याटिङको निम्तो पाएको इङ्ग्ल्यान्डले २० ओभरमा ९ विकेट गुमाएर १ सय ६५ रन बनाएको थियो ।

इङ्ग्ल्याण्डका लागि कप्तान जस बटलरले सर्वाधिक ४५ रन जोडेका थिए । उनले ३० बलमा २ चौका र ३ छक्का प्रहार गरेका थिए । बाइडन कार्सले १७ बलमा १ चौका र ३ छक्काको सहयोगमा ३१ रन बनाएका थिए ।

जेमी स्मिथ २२, ह्यारि ब्रुक र लियम लिभिङ्स्टोन समान १३ रनमा आउट भएका थिए । आदिल राशिद १० रनमा आउट हुँदा जोफ्रा आर्चर १२ रनमा नट आउट रहेका थिए ।

भारतका लागि वरुण चक्रवती र अक्षर पटेलले समान २ , हार्दिक पाण्ड्या, अभिषेक शर्मा, अर्शदिप सिंह र वासिंटन सुन्दरले समान १ विकेट लिएका थिए ।

इङ्ग्ल्याण्ड ५ खेलको टि ट्वान्टी आई सिरिज तथा ३ खेलको ओडिआई सिरिजका लागि भारत भ्रमणमा छ । तेस्रो टि ट्वान्टी आई मंगलवार हुनेछ ।