काठमाडौं (हाम्रो खेलकुद)- दोस्रो नेपाल प्रिमियर लिग (एनपिएल) मा काठमाडौं गोर्खाजले जनकपुर नोल्ट्सलाई १ सय ३१ रनको सामान्य चुनौती दिएको छ।

टियु क्रिकेट मैदानमा काठमाडौंका करण केसीले‌ टस जितेर बलिङ गर्ने निर्णय गरेपछि पहिलो ब्याटिङमा आएको जनकपुरले २० ओभरमा ६ बियकेट गुमाएर १ सय ३० रन बनायो।

पहिलो पावर प्लेमा जनकपुरले २ विकेट गुमाएर ४० रन मात्र बनायो। ओपनरद्वय आशिफ शेख र लाहिरू मिलान्थाले पहिलो तीन ओभरमा ३२ रन बनाए। चौथो ओभरमा करणले १ रन मात्र दिए। यसपछि मिलिन्द कुमारले पाँचौ ओभरमा २ विकेट झारे।

७ रन बनाएका मिलिन्द पाँचौं ओभरको तेस्रो बलमा आउट भए। यसपछि कप्तान अनिल शाह सामना गरेको दोस्रो बलमा रनको खाता नखोली मिलिन्दको बलमा जेराड इरासमसद्वारा क्याच आउट भए।

मिलिन्दले नै तेस्रो विकेट लिए। जान निकोल लोफ्टी २ रनमा बोल्ड आउट भए। ३ विकेटको नोक्सानीमा जनकपुरले मात्र ४२ रन बनाउँदै कमजोर सुरूवात गर्यो।

नवौं ओभरमा सञ्जय कृष्णमुर्ती चौथो विकेटको रूपमा आउट भए। २ रन जोडेका उनी सन्तोष यादवको बलमा आउट भए। क्रिजमा टिकेका ओपनर आशिफले ३७ बलमा अर्धशतक बनाए। ३७ बल खेल्दै ६ चौका र १ छक्का सहित ५१ रन जोडे। अर्धशतक बनाए लगतै उनी ५४ रनना साहाब आलामको बलमा आउट भए।

आशिफ आउट हुँदा जनकपुरले १३ ओभर ३ बलमा ५ विकेटको नोक्सानीमा ७८ रन मात्र बनाएको थियो। लाहिरु समाराकुन २३ रन जोडेर आउट भए भने मयंक यादव रनमा ३४ रनमा अविजित रहे।

बलिङमा मिलिन्दले सर्वाधिक ३ विकेटले लिए। ४ ओभरमा उनले मात्र १५ रन दिए। करण, साहब र सन्तोषले १-१ विकेट लिए।

त्यसअघि प्रधानमन्त्री सुशीला कार्कीले एनपिएलको उद्घाटन गरेकी थिइन्। यो पटक च्याम्पियन बन्न ८ फ्रेन्चाइज टिमले २७ दिन, कुल ३२ खेल खेल्नेछन्।‌ फाइनल खेल मंसिर २७ गते हुनेछ।

यो पटक पहिलो संस्करणको जतिकै विजेताले १ करोड १० लाख, दोस्रो हुने टिमले ५१ लाख र तेस्रो हुने टिमले १५ लाख नगद पुरस्कार राशी प्राप्त गर्नेछन्। टियु क्रिकेट मैदानमा पहिलो पटक आज फ्लड लाइटमा खेल भैरहेको छ।