काठमाडौं (हाम्रो खेलकुद)- दोस्रो नेपाल प्रिमियर लिग (एनपिएल) को चौथो दिन आज चितवन राइनोज र लुम्बिनी लायन्सबीच प्रतिस्पर्धा हुँदैछ।

टस जितेर लुम्बिनीले पहिले बलिङ गर्ने निर्णय गरेको छ। कप्तान रोहित पौडेलले टस जितेपछि चितवन पहिले ब्याटिङमा उत्रनेछ। खेल ४ बजे टियु मैदानमा सुरु हुनेछ।

आज चितवनले सुरूवाती ११ मा विपिन आचार्यको स्थानमा अमर सिंह राउटेलाई खेलाएको छ। लुम्बिनीले भने ट्यालेन्ट हटबाट छानिएका खेलाडी समिर अलीलाई सुरुवाती ११ मा स्थान दिईएको छ।

लुम्बिनीको यो पहिलो खेल हो। चितवनको भने यो दोस्रो खेल हो। चितवनले पहिलो खेलमा कर्णाली याक्सलाई ४ विकेटले हराउँदै विजयी सुरुवात गरेको थियो। लुम्बिनी भने जितका साथ लिग सुरु गर्ने दाउमा रहनेछ।

नेपाली राष्ट्रिय क्रिकेट टोलीका कप्तान रोहितको नेतृत्वमा रहेको लुम्बिनी गत संस्करण लिगको पुछारमा रहेको थियो। त्यसैले यो पटक टोलीलाई उत्कृष्ट प्रदर्शन गर्ने चुनौती रहेको छ। टेष्ट‌ कोटा पाउने टोली लुम्बिनी हो। अफगानिस्तानका अल राउन्डर
गुल्बिदीन नईब तथा मिडल अर्डरमा रोहित र सन्दीप जोराको प्रदर्शन पनि महत्त्वपूर्ण रहन सक्छ।

चितवनले कर्णालीलाई हराउँदा दुई विदैशी खेलाडी म्याक्स ओ डाउड र प्रियंक पाञ्चलले ओपनिङमा राम्रो प्रदर्शन गरेका थिए।

चितवनले फ्लड लाईटको अनुभव पनि लिसकेको छ। लुम्बिनीले आज खेलेसँगै ८ वटा टोलीले नै पहिलो चरण पूरा गर्नेछ। चितवनको यो दोस्रो खेल हो। काठमाडौंले भने दोस्रो खेल खेलिसकेको छ।