लुम्बिनीविरुद्ध सुदूरपश्चिमले पहिला फिल्डिङ गर्ने

काठमाडौं (हाम्रो खेलकुद)- नेपाल प्रिमियर लिग (एनपिएल) को दोस्रो सिजनमा आजको पहिलो खेलमा लुम्बिनी लायन्स विरुद्ध सुदूरपश्चिम रोयल्सले टस जितेको छ।

एनपिएलको जारी सिजनमा यसअघिका १२ खेलमा टस जित्ने टोलीले नै फिल्डिङ रोज्दै आएको छ। सुदूरपश्चिमका कप्तान दीपेन्द्र सिंह ऐरीले टस जितेर फिल्डिङ रोजेका छन्। लुम्बिनी राष्ट्रिय क्रिकेट टोलीका कप्तान रोहित पौडेलको नेतृत्वमा रहेको छ।

सुदुरपश्चिम जारी एनपिएलमा अपराजित एक्लो टोली हो । टोलीले यसअघिका ३ खेलनै जितेको छ। आजको खेल जितेको खण्डमा सुदूरपश्चिम प्ले अफको नजिक पुग्नेछ।

अर्कोतर्फ ३ मध्ये २ खेल गुमाइसकेको लुम्बिनीलाई प्ले अफमा सम्भावना जीवित राख्न आजको खेलमा जित निकाल्नु पर्ने दबाब छ।

सुदूरपश्चिमले अघिल्लो खेलकै टोलीलाई निरन्तरता दिएको छ। लुम्बिनीले भने एक खेलाडी परिवर्तन गरेको छ। जेजे स्मिटको ठाँउमा थोमस ड्राकालाई प्लेइङमा समावेश गरेको छ।