एजेन्सी – भारतले पहिलो टि ट्वान्टी आईमा दक्षिण अफ्रिकालाई १ सय १ रनले हराउँदै सानदार जित निकालेको छ।

कटकमा भएको खेलमा दक्षिण अफ्रिका मात्र १२. ३ ओभरमा ७४ रनमा अल‌ आउट भएको थियो। टि ट्वान्टी आई इतिहासमा दक्षिण अफ्रिकाको यो सबैभन्दा कम स्कोर हो ।

पहिला ब्याटिङ गरेको भारतले ६ विकेट गुमाउँदै १ सय ७५ रन बनायो । ब्याटिङमा हार्दिक पाण्ड्या नायक बने। भारत दबाबमा परेको बेला उनले २८ बलमा अविजित ५९ रन बनाए र टोलीलाई बचाए। अन्य ब्याटर रन बनाउन संघर्ष गरिरहँदा हार्दिकले एक्लैले इनिङ सम्हाले।

शिवम दुबे (११ रन) ले साथ दिन थालेका थिए, तर ठूलो प्रहार गर्न जाँदा डोनोभन फेरेइराले बोल्ड गरे। पुनरागमन गरेका शुभमन गिल खेलको तेस्रो बलमै लुंगी इंगिडीबाट आउट भए। अर्का ओपनर अभिषेक शर्माले १६, तिलक वर्माले २६, अक्षर पटेलले २३, कप्तान सूर्यकुमार यादवले १२ रन बनाए ।

बलिङतर्फ पनि भारत उत्कृष्ट रह्यो। जसप्रित बुमराहले निकै अनौठो शैलीमा आफ्नो एस सयौं टि ट्वान्टी आई विकेट पूरा गरे ।

रिप्लेमा नो बल जस्तो देखिए पनि थर्ड अम्पायरले बल वैध भएको ठहराए। यो बलमै डेवाल्ड ब्रेविस आउट भए । उनी दक्षिण अफ्रिकाको अन्तिम प्रमुख ब्याटर थिए। बुमराहले त्यसै ओभरमा अर्को विकेट लिए।

त्यसपछि अक्षर पटेलले अर्को ओभरमा विकेट लिएर। दुबेले दक्षिण अफ्रिकालाई अन्तिम विकेट लिए । बरुण चक्रवर्तीले ३, अर्सदिप सिंह, बुमराह, र अक्षरले समान २ , हार्दिक र दुबेले समान १ विकेट लिए।

५ टि ट्वान्टी आई सिरिजमा भारतले १–० को अग्रता बनाएको छ।