काठमाडौँ (हाम्रो खेलकुद) – गतवर्षदेखि सुरु भएको एभरेष्ट प्रिमिएर लिग (इपिएल) क्रिकेट प्रतियोगिताको दोश्रो संस्करण यस वर्ष पनि आयोजना हुने भएको छ। पहिलो संस्करणको उपाधि शरद भेषवाकरको कप्तानीमा रहेको पन्चकन्या तेजले जितेको थियो।
तस्बिर: पन्चकन्या तेजको फेसबुक
यस वर्ष हुने दोश्रो संस्करणबारे जानकरी दिन आयोजकले भोली राजधानीमा पत्रकार सम्मेलन गर्ने भएको छ। पछिल्लो संस्करणमा ६ टोलीको सहभागिता रहेको थियो भने यस वर्ष पनि सोहि ६ टोलीले सहभागिता जनाउने बुझिएको छ। यस पटक भने अक्सनको माध्यमबाट खेलाडी छनोट हुन सक्ने सम्भावना रहेको छ।
पछिल्लो संस्करणमा विजयी टोली पन्चकन्या तेजसँगै कलर्स ज्ञानेन्द्र एक्स फ्याक्टर्स (कप्तान ज्ञानेन्द्र मल्ल), विशाल वारियर्स (कप्तान पारस खड्का), सगरमाथा लेजेण्ड्स (कप्तान बिनोद भण्डारी), जगदम्बा राइनोज (कप्तान शक्ति गौचन) र कान्तिपुर गुर्खाज (कप्तान बसन्त रेग्मी)को सहभागिता रहेको थियो। टि२० फर्म्याटमा खेलिएको प्रतियोगिताको फाइनलमा आसिफ शेखको शतकको मद्दतले तेजले एक्स फ्याक्टर्सलाई पराजित गरेको थियो।
