7 years ago
August 30, 2017
काठमाडौं(हाम्रो खेलकुद) – नेपाली क्रिकेटको सर्वाधिक पुरस्कार राशिको एभरेष्ट प्रिमियर लिग (इपिएल) क्रिकेटको एपिवान टेलिभिजनले तीनवर्षसम्म प्रत्यक्ष प्रसारण गर्ने भएको छ ।फ्रेन्चाइज र अक्सनका आधारमा आगामी डिसेम्बरमा आयोजना हुने इपिएल र एपिवान टेलिभिजनबीच बुधबार प्रत्यक्ष प्रसारण गर्ने सम्बन्धी सम्झौता पत्रमा हस्ताक्षर भएको छ । सम्झौता अनुसार इपिएललाई एपीवानले हरेक वर्ष १ करोडको दरले तीनवर्षसम्म ३ […]
काठमाडौं(हाम्रो खेलकुद) – नेपाली क्रिकेटको सर्वाधिक पुरस्कार राशिको एभरेष्ट प्रिमियर लिग (इपिएल) क्रिकेटको एपिवान टेलिभिजनले तीनवर्षसम्म प्रत्यक्ष प्रसारण गर्ने भएको छ ।फ्रेन्चाइज र अक्सनका आधारमा आगामी डिसेम्बरमा आयोजना हुने इपिएल र एपिवान टेलिभिजनबीच बुधबार प्रत्यक्ष प्रसारण गर्ने सम्बन्धी सम्झौता पत्रमा हस्ताक्षर भएको छ ।
सम्झौता अनुसार इपिएललाई एपीवानले हरेक वर्ष १ करोडको दरले तीनवर्षसम्म ३ करोड रुपैयाँबराबरको ब्रोडकाष्टिङ सम्झौता गरेका हुन् । प्रत्यक्ष प्रशारण सम्झौतामा इपिएलका सस्थापक आमिर अख्तर र एपीवान टिभिका एमडी लक्ष्मीप्रसाद पौडेलले सम्झौतापत्रमा हस्ताक्षर गरे । सम्झौतापछि इपिएललाई एपीवानले बार्षिक एक करोडमा रुपैयाँ तिर्नेछ । जसमा वार्षिक १० प्रतिशतले वृद्धि हुने उल्लेख गरिएको छ ।
एपीवानले अब इपिएललाई वार्षिक ५० लाख नगद दिनेछ भने ५० लाखबराबरको सेवा उपलब्ध गराउने छ । ५० लाख मध्ये प्रतियोगितामा सहभागिता जनाउने ६ क्लबले एक टिम बराबर ७ लाख १४ हजार रुपैया प्राप्त गर्ने उल्लेख छ । सम्भौतामा हस्ताक्षरपछि इपिएलका फाउन्डर आमिर अख्तरले १ महिना अघि लोगो सार्वजनिक गरिएको इपिएल क्रिकेटलाई एपिवान टेलिभिजनले प्रत्यक्ष प्रसारणको प्रायोजन गर्नु खुशीको कुरा रहेको बताए ।
उनले अब टिमको अक्सन दशैपछि गर्ने बताए । एपिवानका प्रबन्ध निर्देशक लक्ष्मीप्रसाद पौड्यालले इपिएलसँग जोडिन पाउनु आफ्नो टेलिभिजनको लागि गौरवको कुरा रहेको बताए । ‘धनगढीमा भएको डिपिएलबाट शुरु भएको प्रत्यक्ष प्रसारणको श्रृंखला एन्फा हुदै एइपिएलसँग जोडिएको छ ।’ प्रबन्ध निर्देशक पौड्यालले भने, ‘इपिएल र हाम्रा ट्युनिङ मिलेको हुनाले हामी सम्झौतामा पुगेका हौ । यसले नेपाली क्रिकेटलाई नै माथि ल्याउने काम गर्दछ ।’
सम्झौतापछि इपिएल खेलहरु प्रत्यक्ष प्रशारण गर्नका लागि एपिवानले १२ वटा क्यामेरा राख्नेछ । त्यस्तै इपिएलमा पहिलो पटक थर्ड अम्पायरको पनि व्यवस्था गरिनेछ । प्रतियोगिता दौरान एपि वानले त्रिवि क्रिकेट मैदानमा ठूलो स्क्रिन पनि राख्नेछ भने उसले प्रत्यक्ष प्रसारणमा ग्राफिक्स र अन्य कम्प्युटर प्रोग्राम पनि प्रस्तुत गर्नेछ ।
सम्झौता पछि एपी वानले सबै खेलको प्रत्यक्ष प्रसारणको अधिकार प्राप्त गरेको छ । राउन्ड रोविन लिगका आधारमा सञ्चालन हुने प्रतियोगितामा ६ शहरका ६ टिमको सहभागिता रहनेछ । इपिएलको विजेताले २१ लाख प्राप्त गर्नेछन् । यसपटक काठमाडौं, ललितपुर, विराटनगर, भैरहवा, बीरगन्ज र पोखराको सहभागिता रहेको छ ।
प्रतियोगितामा सहभागी प्रत्येक टिमले लिगमा एक अर्कासँग एक एक खेल खेल्नेछन् । शीर्ष चार टोली प्लेअफमा पुग्नेछन् । पहिलो प्लेअफमा विजेता हुने टिम फाइनल प्रवेश गर्नेछ । पराजित हुनेले फाइनल प्रवेशका लागि तेस्रो र चौथो टिमबीचको विजेतासँग एलिमिनेटर खेल खेल्नेछ ।
प्रतियोगिताका लागि खेलाडीहरु अक्सनबाट छनौट गरिनेछ । अक्सनमा ए, बि र सी समूहका खेलाडी रहने छन् । एक टिममा १५ खेलाडी रहनेछन् । १० खेलाडी अक्सनबाट तीन विदेशी र एक जना ट्यालेन्ट हन्ट बाट खेलाडी छनौट गरिनेछ । टिममा तीन विदेशी खेलाडी अनिवार्य गरिएको छ ।
April 20, 2024
मस्कट (हाम्रो खेलकुद) – एसिसि प्रिमियर कप अन्तर्गत सेमिफाइनलबाट बाहिरिएको नेपालले तेस्रो स्थानका लागि आज हङकङ विरुद्ध खेल्दै छ । खेल नेपाली समय अनुसार दिउँसो ४:१५ बजे अल अमेरात क्रिकेट मैदानमा हुनेछ । एसिया कप पुग्ने सम्भावना सकिएपनि आजको खेलको विजेता एसिसि इमर्जिङ एसिया कपमा छनोट हुनेछ । इमर्जिङ एसिया कपमा प्रिमियर कपका शीर्ष तीन […]
April 19, 2024
एजेन्सी – लखनउ सुपर जाइन्टले इन्डियन प्रिमियर लिग (आइपिएल) मा शुक्रबार चेन्नई सुपर किंग्सलाई ८ विकेटले हराएको छ । १ सय ७७ रनको विजय लक्ष्यसहित उत्रेको लखनउले कप्तान केएल राहुल र क्विन्टन डि ककको अर्धशतकसँगै १९ ओभरमा २ विकेटको क्षेतिमा १ सय ८० रन जोडेर जित निकालेको छ । डि कक र केएल राहुले पहिलो […]
April 19, 2024
एजेन्सी – नेपाली क्रिकेट टोलीले एसीसी इमर्जिङ टिम्स एसिया कपमा छनोट हुनका लागि शनिबार हङकङसँग प्रतिस्पर्धा गर्ने भएको छ । एसीसी प्रिमियर कपको दोस्रो सेमिफाइनलमा घरेलु टोली ओमानसँग शुक्रबार ५ विकेटले पराजित भएपछि हङकङको नेपालसँगको भेट पक्का भएको हो । फाइनल पुगेको ओमानले भने एसिया कपमा पुग्नको लागि आइतबार संयुक्त अरब इमिरेट्स (युएई)को सामना गर्नेछ […]