धनगढी (हाम्रो खेलकुद)– धनगढीमा बिहीबार सुरु हुने पशुपति फारवेष्ट कपको तयारी अन्तिम चरणमा पुगेको छ । आयोजक फारवेष्ट पशुपति युवा क्लवको आयोजनामा हुने फारवेष्ट पशुपति कपको तेस्रो संस्करणमा १६ वटा टोलीले भाग लिने बताइएको छ ।
उद्घाटन खेलमा आयोजक फारवेष्ट पशुपति युवा क्लव बी र मदरल्याण्ड युवा क्लवले प्रतिस्पर्धा हुनेछ । गर्ने खेल तालिका सार्वजनिक गरिएको छ । कैलाली कञ्चनपुर सहित दाङसम्मका विभिन्न टोली र विभागीय टीमहरुले पनि सहभागीता रहने आयोजक फारवेष्ट पशुपति युवा क्लवका अध्यक्ष खेम रावतले जानकारी दिए ।
प्रतियोगितामा विजेतालाई ३ लाख र दोस्रो हुने टोलीले १ लाख ४० हजार रुपैयाँ प्राप्त गर्नेछन् । ५ वटा विधामा उत्कृष्ट खेलाडीलाई समान १० हजार रुपैयाँ प्राप्त गर्नेछन् । प्रतियोगिताको अघिल्लो संस्करणको विजेताले २ लाख रुपैयाँ प्राप्त गरेका थिए । ‘खेल र खेलाडीको विकासको रहर, छाउँदैछ फारवेष्ट पशुपति कपको लहर’ भन्ने नारा सहित हुने प्रतियोगितामा झन्डै २० लाख रुपैयाँ खर्च हुने बताइएको छ ।
