default_image

5 years ago

January 26, 2019

ऐतिहासिक जितका ३ नायक

दुबई (हाम्रो खेलकुद) – यूएईसँगको दोस्रो ओडीआई खेलमा नेपाल १ सय ४५ रनको फराकिलो अन्तरले विजयी भएको छ । जुन जित नेपालको लागि ओडीआईमा सर्वाधिक फराकिलो अन्तर हो । यो जितसँगै तीन ओडीआई श्रृंखला १-१ को बराबरीमा पुगेको छ । पहिलो खेलमा नेपाल ३ विकेटले पराजित भएको थियो । अव निर्णायक तथा तेस्रो खेल आगमी […]

37 views

0 Bookmark

दुबई (हाम्रो खेलकुद) – यूएईसँगको दोस्रो ओडीआई खेलमा नेपाल १ सय ४५ रनको फराकिलो अन्तरले विजयी भएको छ । जुन जित नेपालको लागि ओडीआईमा सर्वाधिक फराकिलो अन्तर हो । यो जितसँगै तीन ओडीआई श्रृंखला १-१ को बराबरीमा पुगेको छ । पहिलो खेलमा नेपाल ३ विकेटले पराजित भएको थियो । अव निर्णायक तथा तेस्रो खेल आगमी सोमवार हुने छ ।

शनिबार आईसीसी एकेडेमी मैदानमा २ सय ४३ रनको लक्ष्य पक्ष्याएको घरेलु टोली यूएई १९.३ ओभरमा ९७ रनमा अल आउट भयो । त्यसअघि आईसीसी एकेडेमी मैदानमा टस जितेर ब्याटिङ थालेको नेपाल निर्धारित ५० ओभरमा ९ विकेटको क्षतिमा २ सय ४२ रन बनाएको थियो । नेपालको फराकिलो कीर्तिमानी जितमा अन्य खेलाडीको तुलनामा आज यी तीन खेलाडीले सर्वोत्कृष्ट प्रर्दशन गरे ।

सोमपाल कामी

सोमपाल कामीले फराकिलो जित दिलाउन ओडीआईमा करिअरकै उत्कृष्ट प्रर्दशन गरे । सोमपाल ओडीआईमा नेपालबाट ५ विकेट लिने पहिलो बलर समेत बनेका छन् । टप अडर धराशायी गरेका सोमपालले १९ ओभरको तेस्रो बलमा जहुर खानलाई सन्दीपबाट क्याच गराउँदै जितमा खुसी मनाएका थिए ।

सोमपाल कामी

पहिलो ओभरको अन्तिम बलमा ओपनर चिराग सुरीलाई शूल्य र तेस्रो ओभरको पाँचौ बलमा गुलाम शब्बिरलाई २ रनमा आउट गर्दै नेपाललाई सुखद सूरुवात दिलाए । सोमपाल यतिकैमा रोकिएनन् । लगत्तै पाँचौ ओभरको अन्तिम बलमा शइमन अनवारलाई खाता खोल्न नदिई र सातौं ओभरको पहिलो बलमा अस्फाक अहमदलाई २० रनमा आउट गर्दै नेपालको जित सहज बनाए ।

सन्दीप लामिछाने

सोमपालले यूएईको ओपनिङ तहसनहस बनाउँदा सन्दीपले मध्यक्रमलाई धेरै समय क्रिजमा टिक्न दिएनन् । उनले १५ औं ओभरमा ३ विकेट लिएपछि नेपालको फराकिलो जित पक्कापकि बनेको थियो । १५ ओभरको दोस्रो बलमा रिजवानलाई १६, तेस्रो बलमा फहद नवाज र अन्तिम बलमा आमिर हायतलाई शून्यमा पेभिलिएन फर्काएपछि यूएई घरेलु मैदानमा फराकिलो हार नजिक पुगेको थियो । सन्दीप यतिकैमा रोकिएनन् । १९ औं ओभरको पाँचौ बलमा मोहम्मद उस्मानलाई २६ रनमा आउट गर्दै नेपालको जित पक्का गरे ।

रोहित कुमार पौडेल

नेपाललाई बलियो अवस्थामा पुर्याउन रोहित कुमार पौडेलले उत्कृष्ट अर्धशतक प्रहार गरे । जुन अर्धशतक रोहितको करियरकै पहिलो थियो । पहिलो खेलमा बेन्चमा बसेका रोहित आफू बेन्चमा नभएर मैदानको लागि योग्य रहेको पुन: प्रमाणित गरे । रोहित २९ औं ओभरमा कप्तान पारस २१ रनमा आउट हुँदा मैदान प्रवेश गरेका थिए । जुन समय नेपाल २९ ओभरमा ११३-५ को कमजोर अवस्थामा थियो ।

रोहितले आरिफसँग छैटौं विकेटका लागि ८२ रनको महत्वपूर्ण साझेदारी गर्दै नेपाललाई २०२/६ को बलियो अवस्थामा पुर्याए । अन्य ब्याट्समयान रन बनाउन धरमराई रहेको बेला रोहित भने खुलेर ब्याटिङ गरिरहे र यूएईका बलरलाई दवावमा राख्ने । ४७ औं ओभरको पहिलो बलमा ठूलो शट प्रहार गर्न खोज्दा क्याच आउट हुँन पुगेका थिए । क्याच आउट हुनु अघि ५८ बलमा ७ चौका प्रहार गर्दै महत्त्वपूर्ण ५५ रन बटुली नेपाललाई जितको बलियो आधार पक्का गरेका थिए ।

March 28, 2024

सिइसी र धनगढी विजयी

सुमन अधिकारी,बुटवल नेपालका पूर्व अन्तराष्ट्रिय क्रिकेट खेलाडी शक्ति प्रसाद गौचनले बुबाको नामबाट आयोजना रुपन्देहीमा जारी छैंटौं खड्ग प्रसाद गौचन मेमोरियल यु—१९ क्रिकेट प्रतियोगिता–२०८० मा बिहीबार समुह बिका २ खेल सम्पन्न भएका छन् । जसमा पल्सर क्रिकेट एक्सलेन्स सेन्टर (सिइसी) , काठमाण्डौ र धनगढी क्रिकेट क्लब विजयी भएका छन् । पहिलो खेलमा पल्सर सिइसी काठमाण्डौले सेन्टर […]

March 28, 2024

नेपाल ‘ए’ सिरिजको खेल तालिका परिवर्तन

काठमाडौं (हाम्रो खेलकुद) – नेपाल क्रिकेट संघ (क्यान) ले वर्षाका कारण विहीबार हुने भनिएको टि२० खेल रद्द भएपछि आयरल्यान्ड वल्भ्सविरुद्ध सिरिजको खेल तालिका परिवर्तन गरेको छ । लगातार वर्षाका कारण मैदान भिजेपछि टियु अन्तर्राष्ट्रिय क्रिकेट मैदानमा पहिलो खेल रद्द भएको थियो । क्यानले खेल तालिका परिवर्तन गर्दै शुक्रबारदेखि टि२० सिरिज सुरु हुने बताएको छ । […]

March 28, 2024

नेपाल ‘ए’ र आयरल्यान्ड वल्भस बीचको पहिलो खेल रद्द

काठमाडौं (हाम्रो खेलकुद) – टियु क्रिकेट मैदानमा पाहुना टोली आयरल्यान्ड वल्भस र नेपाल ‘ए’ बीच आजदेखि सुरु हुन लागेको तीन खेलको टि-२० शृंखला अन्तर्गतको पहिलो खेल रद्द भएको छ । नेपाल क्रिकेट संघ (क्यान) ले वर्षाका कारण मैदान भिजेको हुनाले खेल रद्द भएको जानकारी दिएको छ । आइरिश टोलीले नेपाल ‘ए’ विरुद्ध ३ टि-२० र […]

Success

Thank you for your time.