काठमाडौं (हाम्रो खेलकुद) – तेस्रो संस्करणको प्रधानमन्त्री कप एकदिवसिय राष्ट्रिय क्रिकेट प्रतियोगिताको लागि प्रदेश २ ले आफ्नो १४ सदस्य टोली घोषणा गरेको छ । टोलीको कप्तानी अलराउन्डर महबुब आलमले गर्ने भएका छन् ।

प्रदेश २ ले पहिलो खेल जेठ १० मा त्रिभुवन आर्मी क्लबसँग टीयू क्रिकेट मैदान कीर्तिपुरमा खेल्ने छ । जेठ ११ मा मुलपानी मैदानमा प्रदेश १ सँग भिड्ने छ । त्यस्तै जेठ १५ मा नेपाल पुलिस क्लव तथा जेठ १७ मा कर्णाली प्रदेशसँग भिड्ने छ । समुह ए मा एपीएफ, प्रदेश ५, प्रदेश ३, सुदुरपश्चिम र गण्डकी रहेका छन् ।

समुह बी मा त्रिभुवन आर्मी, नेपाल पुलिस, प्रदेश २, प्रदेश १ र कर्णाली प्रदेश रहेका छन् । राउन्ड रोविन लिग पछि समूहका शीर्ष २ टोली सेमिफाइनल पुग्नेछन् । समुह बी बाट शीर्ष दुईमा पर्न सके प्रदेश २ सेमिफाईनलको लागि यात्रा तय गर्ने छ ।

गत वर्ष प्रदेश २ समुह चरणबाटै बाहिरिएको थियो । उक्त संस्करणमा प्रदेश २ ले ४ खेलमा ३ मा हार र १ मा जित निकालेको थियो । जेठ १० देखि २५ गते सम्म हुने प्रतियोगितामा प्रदेश २ टोली घोषणा गर्ने पहिलो टोली हो । प्रतियोगिता सुरु हुन ३ दिन मात्र बाँकी रहँदा अन्य कुनै पनि टिमले घोषणा गरेका छैनन् ।

पीएम कप खेल्ने प्रदेश २ को १४ सदस्य टोली :

१. मेहबुब आलम (कप्तान)
२. हासिम अन्सारी (उपकप्तान)
३. सुधिर चौधरी
४. कन्चनजंग कार्की
५. रवी शाह
६. सुरज पटेल
७. हरि शंकर शाह
८. विशाल शुसलिङ
९. साम्सद शेख
१०. राहुल प्रताप सिंह
११. विवेक यादव
१२. राशिद खान
१३. कुमार थापा
१४. दिब्यांशु मलिक

प्रशिक्षक – उमेशराज उपाध्याय
व्यवस्थापक – प्रकाश शर्मा