एजेन्सी – नेपाली तीब्र गतिका बलर करण केसी र स्पिनर सन्दीप लामिछाने सन् २०१९ टि ट्वान्टी क्रिकेट आईमा सर्वाधिक धेरै विकेट लिने खेलाडीमा शीर्ष स्थानमा रहेका छन् ।

सन् २०१९ मा टि ट्वान्टी क्रिकेटमा सर्वाधिक विकेट लिने खेलाडीमा सन्दीप, करण र नेदरल्यान्डका तीब्र गतिका बलर ब्रान्डम ग्लोभरले समान २८ विकेट लिएका छन् । सन्दीपले १६ खेलमा ५९ ओभर बलिङ गर्दै ३ सय ८४ रन खर्चिदै २८ विकेट लिएका छन् ।

त्यस्तै नेदरल्यान्डका ब्रान्डम ग्लोभरले १९ खेलमा ६५ ओभर बलिङ गर्दै ४ सय ४८ रन खर्चेर २८ विकेट लिएका छन् । करणले १९ खेलमा ६५ ओभरमा बलिङ गर्दै कुल ४ सय ७६ रन खर्चेर २८ विकेट लिएका छन् । आयरल्यान्डका मार्क आदिर र नेदरल्यान्डका पल भान मार्करेनले समान २७ विकेट लिएका छन् ।

अफ्गानिस्तानका स्पिनर राशिद खानले १० खेलमा २० विकेट लिदै १९ औं स्थानमा छन् । सन् २०१९ मा सर्वाधिक विकेट लिने शीर्ष ४० खेलाडीमा टेष्ट राष्ट्रका ६ खेलाडीमात्रै अटाएका छन् । १७ खेलमा १६ विकेट लिएका अभिनास बोहरा ३५ औं स्थानमा छन् ।

सन् २०१९ मा सर्वाधिक विकेट लिने १० खेलाडी

सन्दीप लामिछाने (नेपाल) – खेल १६, २८ विकेट

ब्रान्डम ग्लोभर (नेदरल्यान्ड) – खेल १९, २८ विकेट

करण केसी (नेपाल) – खेल १९, २८ विकेट

मार्क आदिर (आयरल्यान्ड) खेल १७ – २७ विकेट

पल भान माकरेन (नेदरल्यान्ड) – खेल १८, २७ विकेट

इकवाल हसन (कतार) – खेल १५, २६ विकेट

दामियन राबु (पप्पुवा न्युगिनी) – खेल १७, २४ विकेट

नलिन निपिको (भानुआतु) – खेल १४, २४ विकेट

विलाल खान (ओमन) – खेल १६, २४ विकेट

डोमिनिक ब्ल्याम्पेड (जर्सी) – खेल १७, २४ विकेट