5 years ago
January 15, 2020
एजेन्सी – इंग्ल्यान्डका स्टार अलराउन्डर बेन स्टोक्सले सन् २०१९ को आईसीसी क्रिकेट अफ द इयरको अवार्ड पाएका छन् । आईसीसीले बुधबार अवार्ड विजेताको नामावली सार्वजनिक गर्दै स्टोक्सलाई क्रिकेटर अफ द इयरको अवार्ड प्रदान गरेको जनाएको हो ।
इंग्ल्यान्डलाई पहिलो पटक एकदिवसिय विश्वकपको उपाधि दिलाउन स्टोक्सले सर्वोत्कृष्ट प्रर्दशन गरेका थिए । फाइनलमा स्टोक्सले न्युजिल्यान्डविरुद्ध ८४ रनमा अविजित रहँदै खेल सुपर ओभरमा पुर्याएका थिए । सुपर ओभरमा पनि उनले उत्कृष्ट प्रर्दशन गरेका थिए । उनले २०१९ मा २० ओडीआईमा ७ सय १९ रन बनाउनुको साथै १२ विकेट लिएका थिए । ११ टेष्टमा स्टोक्सले ८ सय २१ रन बनाउनुको साथै २२ विकेट लिएका थिए । स्टोक्सले एसेज सिरिजमा अष्ट्रेलियासँग हेडिंगले टेस्टमा नटआउट १ सय ३५ रन बनाउँदै अप्रत्याशित १ विकेटको जित दिलाएका थिए ।
आईसीसीकै टेष्ट क्रिकेटर अफ द इयरको अवार्ड अष्ट्रेलियाका तीव्र गतिका बलर प्याट कमिन्सले पाए । उनले २०१९ मा १२ टेष्टमा ५९ विकेट लिएका थिए । भारतका ओपनर रोहित शर्मालाई ओडीआई क्रिकेट अफ द अवार्ड प्रदान गरिएको छ । रोहितले आईसीसी एक दिवसिय विश्वकपमा ५ शतक प्रहार गरेका थिए । सन् २०१९ मा रोहितले २८ ओडीआईमा ७ शतक र ६ अर्ध शतक सहित कुल १४ सय ९० रन बनाएका थिए ।
टि ट्वान्टी प्रर्दशन अफ द इयरको अवार्ड भारतका तीब्र गतिका बलर दीपक चाहर घोषित भएका छन् । उनले बंगलादेशविरुद्ध ४ ओभरमा ७ रन खर्चेर ६ विकेट लिएका थिए । अष्ट्रेलिया युवा खेलाडी मार्नस लाबुसेन इमर्जिङ क्रिकेट अफ द इयर घोषित भएका छन् । लाबुसेनले २०१९ मा ११ खेल मा ३ शतक र ७ अर्ध शतक सहित ११ सय ४ रन जोडदै सर्वाधिक रन बनाउने खेलाडीमा शीर्ष स्थानमा रहेका थिए । एसोसियट क्रिकेट अफ द इयरको अवार्ड स्कटल्यान्डका कप्तान काइल कोट्जरले पाएका छन् ।
भारतका कप्तान विराट कोहलीलाई स्प्रिट (भावना) अफ द अवार्ड प्रदान गरिने भएको छ । उनले विश्वकपमा दर्शकहरुले अष्ट्रेलियाका स्टिभ स्मिथविरुद्ध नाराबाजी गर्दा समर्थकहरुलाई हात जोड्दै त्यसो नगर्न आग्रह गरेका थिए ।
आईसीसी टेष्ट टिम अफ द इयर:
मयंक अग्रवाल, टम लाथम, मार्नस लाबुसेन, विराट कोहली (कप्तान), स्टिभ स्मिथ, बेन स्टोक्स, बिजे वाटलिङ (विकेटकिपर), प्याट कमिन्स, मिचेल स्टार्क, निल वाग्रर, नाथन लायन ।
आईसीसी ओडीआई टिम अफ द इयर :
रोहित शर्मा, शाई होप, विराट कोहली (कप्तान), बाबर आजम, केन विलियम्सन, बेन स्टोक्स, जस बटलर (विकेटकिपर), मिचेल स्टार्क, ट्रेन्ट बोल्ट, मोहम्मद शामी र कुलदीप यादव ।
December 14, 2024
हिमाल खरेल, बिर्तामोड दोस्रो संस्करणको बर्खा स्मृति झापा जिल्ला अन्तरपालिका टि ट्वान्टी क्रिकेट प्रतियोगिताको उद्घाटन खेलमा भद्रपुर नगरपालिका र दमक नगरपालिकाले खेल्ने भएका छन् । आज प्रतिष्ठानको कार्यालय बुधबारेमा भएको पत्रकार सम्मेलनमार्फत खेल तालिका सार्वजनिक गरिएको छ । प्रतियोगितामा सहभागी झापाका १५ वटै पालिकाका प्रतिनधिबीच टाइसिट ड्र गरिएको प्रतिष्ठानका अध्यक्ष मदन प्रसाईंले जानकारी दिए । […]
December 14, 2024
काठमाडौं(हाम्रो खेलकुद) – सिद्धार्थ बैंक नेपाल प्रिमियर लिग (एनपिएल) को लिग चरणका अब ३ खेल बाँकी रहेको छ । आइतवार २ तथा सोमवार १ खेलसँगै एनपिएलको पहिलो संस्करणको लिग चरणका खेल सकिनेछ । बाँकी ३ मात्र खेलको नतिजाले प्लेअफमा पुग्ने ३ टोलीको टुंगो लाग्नेछ। त्यसका लागि दौडमा ४ टोली छन् । जनकपुर बोल्ट्सले प्ले अफमा […]
December 14, 2024
काठमाडौं(हाम्रो खेलकुद) – सिद्धार्थ बैंक नेपाल प्रिमियर लिग(एनपिएल) मा जनकपुर बोल्ट्स पराजित हुँदा विराटनगर किंग्स तथा पोखरा एभेन्जर्स प्रतियोगिताबाट बाहिरिएका छन् । शनिवारको दोस्रो खेलमा चितवनले जनकपुरमाथि ३२ रनको जित हासिल गरेको हो । जितसँगै चितवनले प्लेअफ प्रवेशको सम्भावना बलियो बनाएको छ । चितवनको जितपछि पोखरा र विराटनगर प्रतियोगिताबाट बाहिरिएका हुन् । चौथो स्थानमा रहेको […]
