default_image

4 years ago

January 28, 2020

आईपीएलको मिति सार्वजनिक

एजेन्सी – इन्डियन प्रिमियर लिग (आईपीएल) को १३ औं संस्करणको मिती सार्वजनिक भएको छ । भारतीय क्रिकेट कन्टोल बोर्ड (बिसिसिआई) का अध्यक्ष सौरभ गांगुलीका अनुसार आगामी संस्करणको आईपीएल चैत्र १६ देखि जेठ ११ (मार्च २९ देखि मे २४) सम्म भारतका विभिन्न सहरमा हुने छ । यसपटकको आईपिएलको उद्घाटन र फाइनल मुम्बईमा हुने छ । यसपटक […]

41 views

0 Bookmark

एजेन्सी – इन्डियन प्रिमियर लिग (आईपीएल) को १३ औं संस्करणको मिती सार्वजनिक भएको छ । भारतीय क्रिकेट कन्टोल बोर्ड (बिसिसिआई) का अध्यक्ष सौरभ गांगुलीका अनुसार आगामी संस्करणको आईपीएल चैत्र १६ देखि जेठ ११ (मार्च २९ देखि मे २४) सम्म भारतका विभिन्न सहरमा हुने छ । यसपटकको आईपिएलको उद्घाटन र फाइनल मुम्बईमा हुने छ ।

यसपटक पाँच दिनमात्र दिनमा दुई खेल हुने छ । सबै खेल नेपाली समय अनुसार बेलुका ७:४५ देखी सुरु हुने छन् । दिनमा दुई खेल भएको दिन पहिलो खेल ३:४५ देखी सुरु हुने छ । यसपटक कुनै खेलाडी घाइते भएर पूर्ण रुपमा होस नआएपछि खेल्न नसकेको खण्डमा उसको स्थानमा अर्को खेलाडी खेल्न पाउने छ । जुन नियम आईसीसीले लागु गरिसकेको छ । सबैभन्दा पहिला उक्त नियम इंग्ल्यान्ड र अस्ट्रेलियासँगको दोस्रो टेष्टमा प्रयोग भएको थियो । जोफ्रा आर्चरको बाउन्सर बलले लागेर स्टिभ स्मिथ घाइते भएपछि उनको स्थानमा मार्नस लाबुसेनले ब्याटिङ गरेका थिए ।

त्यस्तै टिभी एम्पायरले हरेक बल नो बल छ वा छैन भनेर चेक गर्ने छन् । गत वर्ष नो को कारण विराट कोहलीले एम्पायरमाथि असन्तुष्टि जनाएका थिए । मुम्बईसँगको खेलमा तीब्र गतिका बलर लासिथा मलिङ्गाले नो बल फालेपनि एम्पायरले ध्यान नदिँदा दिएका थिएनन् । जसको कारण विवाद उत्पन्न भएको थियो । यस नयाँ नियमले अव उक्त विवाद उत्पन्न हुन दिने छैन ।

यसपटक आईपीएल सुरु हुनुभन्दा केहि दिन अघि विशेष खेलका रुपमा अलस्टार म्याच पनि हुने सम्भावना रहेको छ । यसबारे औपचारिक जानकारी भने आएको छैन । सबै ८ टोलीका खेलाडी समेटेर २ टोली निर्माण गरिने र मैत्रीपूर्ण खेल हुने बुझिएको छ । त्यस्तै महिलातर्फ पनि ४ टोली सम्मिलित प्रतियोगिता गर्ने तयारी भइरहेको छ ।

पुषमा सम्पन्न भएको आईपीएल अक्सनमा अस्ट्रेलियाका तीब्र गतिका बलर प्याट कमिन्स कोलकाता नाइट राइडर्सले १५.५ करोड भारतीय रुपैयाँ अनुबन्ध गरेको थियो । जुन आईपिएल इतिहासमा विदेशी खेलाडीले पाएको सर्वाधिक मूल्यमा पर्दछ । नेपाली लेग स्पिनर सन्दीप लामिछानले तीन वर्षे सम्झौता अनुसार दिल्ली क्यापिटल्सबाट खेल्ने छन् ।

अक्सनपश्चात आगमी सिजनको लागि सबैको टोली तयार भएको छ । आगमी संस्करणको आईपीएल खेल्ने सबै टिममा रहेका खेलाडी यस प्रकार छन् :

दिल्ली क्यापिटल्स :

शिखर धवन, पृथ्वी शा, श्रेयस ऐर, ऋषभ पन्त, इशान्त शर्मा, अक्षर पटेल, अमित मिश्रा, हर्ष पटेल, आवेश खान, कागिसो रबाडा, किमो पल, सन्दीप लामिछाने, अजिंक्या रहाणे, रविचन्द्रन आश्विन, शिम्रन हेटमायर, जोसन रोय, क्रिस वोक्स, एलेक्स केरी, मोहित शर्मा, तुषार देशपान्डे, ललित यादव, मार्कुस स्टोइनिस

रोयल च्यालेन्जर्स बंगलोर :

देवदत्त पाडिकल, जोश फिलिप, शहवाज अहमद, विराट कोहली, केन रिचड्सन, पार्थिव पटेल, इसुरु उडना, उमेश यादव, पवन देशपान्डे, युजभेन्द्र चहल, क्रिस मोरिस, एबी डिभिलियर्स, डेल स्टेन, पवन नेगी, आरोन फिन्च, गुरुर्कीत सिंहमान, नवदीप सैनी, शिवम दुबे, वाशिन्टन सुन्दर, मोइन अली र मोहम्मद सिराज

कोलकाता नाइट राइडर्स :

शुवमन गिल, कमलेश नगरकोटी, शिवम माभी, बरुण चत्रबर्ती, एम सिद्धार्थ, सुनिल नारायण, हेरी गुर्नी, इओन मोर्गन, आन्द्रे रसेल, दिनेश कात्तिक, सिदेश लड, राहुल त्रिपाठी, प्याट कमिन्स, ल्योकी फग्र्युसन, निखिल, नाइक, कुलदीप यादव, प्रविन ताम्बे, सन्दीप वारिर, नितेश राना, निकु सिंह, क्रिस ग्रिन, टम ब्याटन र प्रसिद्ध कृष्ण

किंग्स इलाभेन पन्जाब :

तजिन्दर सिंह, दर्शन नलकान्डे, अर्शदीप सिंह, श्रीमन सिंह, हरप्रीत ब्रार, रवि बिश्रोई, क्रिस जोर्डन, ग्लेन म्याक्सवेल, जेम्श निशम, हाडुस बिलजोइन, मयंक अग्रवाल, करुण नायर, मनप्रति सिंह, के एल राहुल, कृष्ण गौतम, मोहम्मद शामी, शेल्डन कट्रेल, दीपक होडा, क्रिस गेल, जे सुचित, मुरुगन आश्विन, निकोलस पूरन, शरफराज खान, इशान पोरेल र मुजिव उर रहमान

चेन्नई सुपर किंग्स :

शाई किशोर, नर्यान जगदीशन, रितुराज गायकवाड, के एम आशिफ, रविन्द्र जडेजा, मुरली विजय, महेन्द्र सिंह धोनी, जोश हेजलवुड, केदार जाधव, हरभजन सिंह, करण शर्मा, पीयुष चवला, अम्बाती रायूडु, सुरेश रैना, इमरान ताहिर, दीपक चाहर, फाफ डु प्लेसिस, सार्दुल ठाकुर, मिचेल सान्टनार, ड्वेन ब्राभो, लुन्गि निडी, साम करन, मोनु कुमार र शेन वाटशन ।

राजस्थान रोयल्स :

रियान पराग, मयंक मारकन्डे, कात्तिक त्यागि, अन्जुल रावत, यश्सवी जैसवाल, आकश सिंह, स्टिभ स्मिथ, जस बटलर, बेन स्टोक्स, डेविड मिलर, श्रेयस गोपाल, रोविन उथप्पा, बरुन आरोन, शशांक सिंह, जयदेव उनादकट, अनिरुद्ध जोशी, राहुल त्रिपाठी, सन्जु सामसन, एन्ड्रयू टाई, मानन बोहरा, टम करन, अंकित राजपुत, जोफ्रा आर्चर, महिपाल लोमरोर र ओशन थोमस

मुम्बई इन्डियन्स :

राहुल चाहर, अनुकोल रोय, मोहसिन खान, दिगविजय देशमुख, प्रिन्स बलवान्त रवि सिंह, काइरोन पोलार्ड, नाथन कुल्टर नाइल, ट्रेन्ट बोल्ट, धवन कुलकर्णी, मिचेल म्याकलेघन, क्रिस लिन, आदित्य तारा, रोहित शर्मा, सौरव तिवारी, क्विन्टन डि कक, सुर्य कुमार यादव, जयन्त यादव, क्रुनाल पान्ड्या, लासिथा मलिङ्गा, हार्दिक पान्ड्या, जसप्रित बुमराह, इशन कशन, अनमोलप्रित सिंह र शरफेन रदरफोर्ड

सनराइजर्स हैदरावाद :

सञ्जय यादव, प्रियाम गर्ग, अविषेक शर्मा, अब्दुल सामद, डेविड वार्नर, मोहम्मद नाबी, मिचेल मार्श, केन विलियम्सन, रिद्धीमान शाह, मनिष पान्डे, जोनी बेयरस्टो, श्रीवत्स गोस्वामी, शहबाज नदीम, भुवनेश्वर कुमार, सिद्धार्थ कौल, बाभनका सन्दीप, विजय शंकर, बिली स्टानलेक, फबिएन एलिन, विराट सिंह, विशाल थाम्पी, राशिद खान, थंगरासु नटराजन, खलील अहमीद

यस सिजनको अक्सनमा सर्वाधिक महँगा १० खेलाडी यसप्रकार छन् ।

८. साम करन – चेन्नई सुपर किंग्स – ५.५ करोड

युवा अलराउन्डर साम करनलाई यसपटक महेन्द्रसिंह धोनी कप्तान रहेको चेन्नई सुपर किंग्सले अनुबन्धन गर्यो । तीव्र गतिका बलर रहेका करन तल्लोक्रममा मात्र नभएर माथिल्लो क्रममा पनि आक्रामक ब्याटिङका लागि प्रख्यात छन् । गत सिजन उनले पन्जाबका लागि खेलेका थिए ।

७. पियुष चावला – चेन्नई सुपर किंग्स – ६.७५ करोड

स्पिनर पियुषले लामो समय कोलकाताका लागि खेले । गत सिजन कोलकाताले उनलाई रिलिज गरेपछि सायदै उनले यति ठूलो रकममा अनुबन्धित हुने सोचेका थिए । तर स्पिनरलाई चेन्नईले निकै लामो कसरतपछि मोटो रकम खर्चेर टोलीमा अनुबन्धित गरेको छ ।

६. शिम्रन हेटमायर – दिल्ली क्यापिटल्स – ७.७५ करोड

Shimron Hetmyer

वेस्ट इन्डिजका आक्रामक ब्याट्सम्यान शिम्रन हेटमायरलाई अनुबन्ध गर्न धेरै टोलीले प्रयास गरेका थिए । गत सिजन बेंगलोरका लागि अपेक्षित प्रदर्शन गर्न नसकेका उनले राष्ट्रिय टोलीका लागि राम्रो प्रदर्शन गरेका छन् । उनले दिल्लीको कमजोर विदेशी ब्याटिङलाई मजबुती प्रदान गार्नेछन् ।

५. नाथन कुल्टर नाइल – मुम्बई इन्डियन्स – ८ करोड

अष्ट्रेलियाको राष्ट्रिय टोलीका लागि राम्रो प्रदर्शन गर्दै आएका कुल्टर नाइल घरेलु टि२० मा पनि प्रख्य्यात छन् । उनी तीव्र गतिका बलर मात्र नभएर तल्लोक्रममा आक्रामक इनिङ खेल्न पनि सक्षम छन् । मुम्बईको बलियो बलिङ आक्रमणलाई उनले थप मजबुती दिनेछन् ।

४. शेल्डन कट्रेल – किंग्स इलेभेन पन्जाब – ८.५ करोड

कट्रेलले छोटो समयमा नै अन्तर्राष्ट्रिय क्रिकेटमा आफ्नो पहिचान बनाएका छन् । वेस्ट इन्डिजको तीव्र गतिका बलर उनले जारि भारतविरुद्ध सिरिजमा पनि प्रभावशाली प्रदर्शन गरेका छन् । उनको विकेट लिएपछिको सलाम गर्ने सेलेब्रेसनले पनि थुप्रैको मन जितेको छ । उनले पन्जाबको कमजोर तीव्र गतिको बलिङ आक्रमणमा निर्णायक भूमिका खेल्ने अपेक्षा गरिएको छ ।

३. क्रिस मोरिस – रोयल च्यालेन्जर्स बेंगलोर – १० करोड

बेंगलोरले पछिल्लो केहि सिजनयता अपेक्षित नतिजा दिन सकेको छैन । मोरिसको उपस्थितिले टोलीको ब्याटिङ र बलिङ दुवै पक्षमा सन्तुलन ल्याउन सहज हुनेछ । मोरिस सुरुवाती ओभरमा बलिङ गर्नुका साथै मध्यक्रममा आक्रामक ब्याटिङ गर्ने क्षमता राख्दछन् । उनको उपस्थितिले विशेषगरी बेंगलोरको फिनिसिङमा पनि सहयोग पुग्नेछ ।

२. ग्लेन म्याक्सवेल – किंग्स इलेभेन पन्जाब – १०.७५ करोड

म्याक्सवेलका लागि धेरै टोलीले अनुबन्धनको इच्छा देखाएका थिए । अघिल्लो सिजन विश्वकपका कारण सहभागी नभएका उनी फेरी पन्जाब फर्केका छन् । म्याक्सवेलको आक्रामक ब्याटिङसामु जस्तोसुकै बलिङ आक्रमणलाई पनि समस्या हुन्छ । उनले टोलीलाई आवश्यक परेमा अफस्पिन बलिङ पनि गर्न सक्छन् ।

१. प्याट कमिन्स – कोलकाता नाइट राइडर्स – १५.५ करोड

कमिन्सको नाम आएपछि अक्सन हलको माहोल नै परिवर्तन भएको थियो । सुरुवातमा बेंगलोर र दिल्लीले कमिन्सलाई अनुबन्धन गर्न बोलि लगाएका थिए । तर अन्तिम समयमा कोलकाताले दोस्रो पटकको बोलीमा नै कमिन्सलाई अनुबन्धन गर्न सफल रहयो । आईपीएलको इतिहासमा नै कमिन्स सर्वाधिक महँगा विदेशी खेलाडी हुन् ।

कमिन्स तीव्र गतिका बलिङ मात्र नभएर आक्रामक ब्याटिङका लागि पनि प्रख्यात छन् । सिमित ओभर क्रिकेटमा उनले अष्ट्रेलियाका लागि प्रभावशाली प्रदर्शन गर्दै आएका छन् । उनको आगमनसँगै कोलकाताले बलियो रहेको तल्लोक्रम ब्याटिङलाई मजबुती दिएको छ ।

आईपीएल अक्सनको सम्पूर्ण खेलाडीको पूर्ण जानकारीका लागि यहाँ थिच्नुहोस्

March 29, 2024

नेपाल ‘ए’ लाई आयरल्यान्ड वल्भ्सको विशाल लक्ष्य

काठमाडौं (हाम्रो खेलकुद) – आयरल्यान्ड वल्भ्सले नेपाल ‘ए’ विरुद्धको टि२० सिरिज अन्तर्गत पहिलो खेलमा २ सय २३ रनको विशाल लक्ष्य प्रस्तुत गरेको छ । पहिलो ब्याटिङको निम्तो पाएको वल्भ्सले निर्धारित २० ओभरमा ५ विकेट गुमाएर २ सय २२ रन बनायो । मध्यम सुरुवात गरेको आयरल्यान्ड वल्भ्सले अन्त्यतिर आक्रामक ब्याटिङ गर्दै विशाल योगफल खडा गर्यो । […]

March 29, 2024

कमल प्लेइङ-११ मा खेल्दै, पवन बेन्चमा

काठमाडौं (हाम्रो खेलकुद) – तीव्र गतिका बलर कमलसिंह ऐरीले नेपाल ‘ए’ बाट आयरल्यान्ड वल्भ्सविरुद्ध शुक्रबार हुने टि२० खेलमार्फत पुनरागमन गर्ने भएका छन् । नेपाल ‘ए’ को कप्तान विनोद भण्डारीले टस जितेर पहिलो फिल्डीङ गर्ने निर्णय लिएका हुन् । आयरल्यान्ड वल्भ्सले सुरुवाती इनिङमा ब्याटिङ गर्दैछ । कमलले लामो समय चोटका कारण बाहिर रहेर आज पुनरागमन गर्दैछन् […]

March 29, 2024

नेपाल ‘ए’ ले टस जित्यो

काठमाडौं (हाम्रो खेलकुद) – नेपाल ‘ए’ क्रिकेट टोलीले आयरल्यान्ड वल्भ्सविरुद्ध पहिलो टि२० खेलमा टस जितेको छ । नेपाल ‘ए’ को कप्तान विनोद भण्डारीले टस जितेर पहिलो फिल्डीङ गर्ने निर्णय लिएका हुन् । आयरल्यान्ड वल्भ्सले पहिलो ब्याटिङ गर्दैछ । नेपालको टोली : विनोद भण्डारी (कप्तान), लोकेश बम, देव खनाल, किरण ठगुन्ना, आरिफ शेख, अर्जुन घर्ती, बसिर […]

Success

Thank you for your time.