default_image

4 years ago

January 29, 2020

सुपर ओभरमा भारतसँग न्यूजिल्यान्ड पराजित

एजेन्सी – तेस्रो टि ट्वान्टी खेलमा भारतले न्युजिल्यान्डलाई सुपर ओभरमा पराजित गर्दै पाँच टि ट्वान्टी सिरिज दुई खेल अगावै जितेको छ । जितको लागि सुपर ओभरमा १८ रन चाहिएको अवस्थामा भारतले अन्तिम बलमा पुरा गर्यो । टिम साउथीले पहिलो बलमा रोहित शर्मालाई २ र दोस्रोमा १ रन दिए । तेस्रो बलमा राहुलले चौका प्रहार गरे […]

68 views

0 Bookmark

एजेन्सी – तेस्रो टि ट्वान्टी खेलमा भारतले न्युजिल्यान्डलाई सुपर ओभरमा पराजित गर्दै पाँच टि ट्वान्टी सिरिज दुई खेल अगावै जितेको छ । जितको लागि सुपर ओभरमा १८ रन चाहिएको अवस्थामा भारतले अन्तिम बलमा पुरा गर्यो ।

टिम साउथीले पहिलो बलमा रोहित शर्मालाई २ र दोस्रोमा १ रन दिए । तेस्रो बलमा राहुलले चौका प्रहार गरे । चौथो बलमा १ रन दिए । रोहितले पाँचौ र छैटौं बलमा लगातार छक्का प्रहार गर्दै जित पक्का गरे । जस्प्रित बुमराहले सुपर ओभरको पहिलो बलमा कप्तान केन विलियम्सन र दोस्रो बलमा मार्टिन गुप्टिललाई १-१ रन दिए ।

तेस्रो बलमा विलियम्सनले छक्का र चौथो बलमा चौका प्रहार गरे । पाँचौ बलमा १ लेग वाईका रुपमा बटुल्दा अन्तिम बलमा गुप्टिलले चौका प्रहार गर्दै कुल १७ रन बनाएको थियो । त्यसअघि १ सय ८० रनको विजयी लक्ष्य पछ्याएको न्युजिल्यान्डले निर्धारित २० ओभरमा ६ विकेट गुमाउँदै १ सय ७९ रन बनाएपछि खेल सुपर ओभरमा धकेलिएको थियो ।

अन्तिम ओभरमा जितको लागि न्युजिल्यान्डलाई ९ रन चाहिएको थियो । तर मोहम्मद शामीले ८ रन खर्चेर २ विकेट लिदै खेल सुपर ओभरमा पुर्याएका थिए । पहिलो बलमै मोहम्मद शामीलाई टेलरले छक्का प्रहार गरे । दोस्रो बलमा १ रन दिदा तेस्रो बलमा विलियम्सन आउट भए । चौथो बलमा सामीले बल डट राखेपछि खेल रोमान्चक बनेको थियो ।

पाँचौ बलमा १ र अन्तिम बलमा टेलर १७ रनमा बोल्ड आउट भएपछि खेल सुपर ओभरमा पुगेको हो । विलियम्सनले ४८ बलमा ८ चौका र ६ छक्का सहित ९५ रन जोडेपनि टोलीको हार टार्न सकेनन् । विलियम्सन अन्तिम ओभरको तेस्रो बलमा विकेटकिपर लोकेश राहुलबाट क्याच हुँदै पहिलो शतक बनाउनबाट चुकेका थिए । यो विलियम्सनको टि ट्वान्टी आई करिअरकै उच्च प्रर्दशन हो ।

ओपनर मार्टिन गुप्टिलले २१ बलमा २ चौका र ३ छक्का सहित ३१ रन जोड्दै राम्रो सुरुवात दिलाएका थिए । शार्दुल ठाकुरलाइृ छैटौं ओभरको चौथो बलमा ठूलो सट खेलेका गुप्टिल बाउन्डी लाइन नजिकै वैकल्पिक फिल्डर सञ्जु स्यामसनले उत्कृष्ट क्याच गर्दै पेभिलिएन फर्काए ।

अर्का ओपनर कोलिन मुनरो १४, मिचेल सान्टनार ९ र कोलिन डी गान्डहोमले ५ रन जोडे ।भारतका शार्दुल ठाकुर र मोहम्मद शामीले २-२ विकेट लिए । युजभेन्द्र चहल र रविन्द्र जडेजाको नाममा १-१ विकेट रह्यो ।

त्यसअघि सेड्डन पार्क ह्यामिल्टनमा टस हारेर ब्याटिङ थालेको भारतले २० ओभरमा ५ विकेट गुमाउँदै १ सय ७९ रन बनाएको थियो । भारतका ओपनर रोहित शर्माले सर्वाधिक ६५ रनको योगदान दिए ।

हमीश बेनेटले ११ औं ओभरको चौथो बलमा टिम साउथीबाट क्याच गराउनु अघि रोहितले ४० बलमा ६ चौका र ३ छक्का प्रहार गरे । रोहितले छैटौं ओभरमा बेनेटलाईनै ३ छक्का र २ चौका गरि २७ रन जोडेका थिए ।

पहिलो विकेटका लागि लोकेश राहुल र रोहितले ९ ओभरमा ८९ रनको साझेदारी उत्कृष्ट सुरुवात दिलाएका थिए । कोलिन डी ग्रान्डहोमले कोलिन मुनरोबाट क्याच गराउनु अघि राहुलले १९ बलमा २ चौका र १ छक्का सहित २७ रन जोडे ।

बेनेटलेनै शिवम दुबेलाई ३ रनमा ईश सोधीबाट क्याच गराए । श्रेयस ऐर १७ रनमा स्टम्पिङ आउट हुन पुगे । बेनेटलेनै कप्तान विराट कोहलीलाई १९ औं ओभरको पाँचौ बलमा साउथीबाट ३८ रनमा क्याच आउट गराए । कोहलीले २७ बमा २ चौका र १ छक्का प्रहार गरे ।

मनिष पाण्डे १४ र रविन्द्र जडेजा १० रनमा अविजित रहे । हमिश बेनेटले ४ ओभरमा ५४ रन खर्चेर ३ विकेट लिए । मिचेल सान्टनार र कोलिन डी ग्रान्डहोमले १(१ विकेट लिए । भारत पहिलो खेलमा ६ विकेट र दोस्रोमा ७ विकेटले विजयी भएको थियो । चौथो खेल शुक्रबार हुने छ ।

March 29, 2024

नेपाल ‘ए’ लाई आयरल्यान्ड वल्भ्सको विशाल लक्ष्य

काठमाडौं (हाम्रो खेलकुद) – आयरल्यान्ड वल्भ्सले नेपाल ‘ए’ विरुद्धको टि२० सिरिज अन्तर्गत पहिलो खेलमा २ सय २३ रनको विशाल लक्ष्य प्रस्तुत गरेको छ । पहिलो ब्याटिङको निम्तो पाएको वल्भ्सले निर्धारित २० ओभरमा ५ विकेट गुमाएर २ सय २२ रन बनायो । मध्यम सुरुवात गरेको आयरल्यान्ड वल्भ्सले अन्त्यतिर आक्रामक ब्याटिङ गर्दै विशाल योगफल खडा गर्यो । […]

March 29, 2024

कमल प्लेइङ-११ मा खेल्दै, पवन बेन्चमा

काठमाडौं (हाम्रो खेलकुद) – तीव्र गतिका बलर कमलसिंह ऐरीले नेपाल ‘ए’ बाट आयरल्यान्ड वल्भ्सविरुद्ध शुक्रबार हुने टि२० खेलमार्फत पुनरागमन गर्ने भएका छन् । नेपाल ‘ए’ को कप्तान विनोद भण्डारीले टस जितेर पहिलो फिल्डीङ गर्ने निर्णय लिएका हुन् । आयरल्यान्ड वल्भ्सले सुरुवाती इनिङमा ब्याटिङ गर्दैछ । कमलले लामो समय चोटका कारण बाहिर रहेर आज पुनरागमन गर्दैछन् […]

March 29, 2024

नेपाल ‘ए’ ले टस जित्यो

काठमाडौं (हाम्रो खेलकुद) – नेपाल ‘ए’ क्रिकेट टोलीले आयरल्यान्ड वल्भ्सविरुद्ध पहिलो टि२० खेलमा टस जितेको छ । नेपाल ‘ए’ को कप्तान विनोद भण्डारीले टस जितेर पहिलो फिल्डीङ गर्ने निर्णय लिएका हुन् । आयरल्यान्ड वल्भ्सले पहिलो ब्याटिङ गर्दैछ । नेपालको टोली : विनोद भण्डारी (कप्तान), लोकेश बम, देव खनाल, किरण ठगुन्ना, आरिफ शेख, अर्जुन घर्ती, बसिर […]

Success

Thank you for your time.