3 years ago
December 2, 2020
काठमाडौं (हाम्रो खेलकुद) – नेपाली महिला राष्ट्रिय क्रिकेट टोलीकी स्पिनर अञ्जली चन्दले गतवर्ष माल्दिभ्सविरुद्ध कायम गरेको अविश्वसनिय विश्व कीतिमान एक वर्ष पुगेको छ । १३ औं दक्षिण एसियाली खेलकुद (साग) मा माल्दिभ्स महिला टोलीले पहिलो अन्तर्राष्ट्रिय खेल खेल्दै थियो । नेपाली महिला टोलीले झण्डै एक वर्ष पछि अन्तर्राष्ट्रिय खेल खेल्न लागेको थियो । तीन महिना […]
काठमाडौं (हाम्रो खेलकुद) – नेपाली महिला राष्ट्रिय क्रिकेट टोलीकी स्पिनर अञ्जली चन्दले गतवर्ष माल्दिभ्सविरुद्ध कायम गरेको अविश्वसनिय विश्व कीतिमान एक वर्ष पुगेको छ ।
१३ औं दक्षिण एसियाली खेलकुद (साग) मा माल्दिभ्स महिला टोलीले पहिलो अन्तर्राष्ट्रिय खेल खेल्दै थियो । नेपाली महिला टोलीले झण्डै एक वर्ष पछि अन्तर्राष्ट्रिय खेल खेल्न लागेको थियो । तीन महिना भन्दा बढीको बन्द प्रशिक्षणले नेपाली महिला क्रिकेटको प्रर्दशनमा धेरै सुधार आएको थियो ।
मैदानमा प्रर्दशन गर्न खेलाडी आतुर थिए । डिसेम्बर २ मा पोखरा क्रिकेट मैदानमा नेपाल र माल्दिभ्सबीच प्रतिस्पर्धा हुँदै थियो । उक्त खेलमा कमैले ध्यान दिएका थिए । धेरैको ध्यान काठमाडौंमा भएका खेलका प्रर्दशनतर्फ थियो । तर अञ्जलीले कीर्तिमानी प्रर्दशन गर्दै सबैको ध्यान पोखरा मैदानमा तान्न सफल भएकी थिइन् ।
माल्दिभ्सकी कप्तान जुना मरियामले टस जित्दै ब्याटिङ गर्ने निर्णय लिइन् । तर माल्दिभ्सका खेलाडी नेपाली बलिङ सामु १०.१ ओभरमा १६ रनमा अल आउट भएका थिए । माल्दिभ्सका ९ महिला ब्याटरले खाता खोल्न सकेका थिएनन् । ९ महिला ब्याटर शून्यमा आउट हुँदा रनको खाता खोल्नेमा ओपनर हम्जा नियाजले ९ र हफ्सा अब्दुल्लाहले ४ रन बनाएका थिए । स्पिनर अञ्जली चन्दले २.१ ओभरमा दुबै मेडन राख्दै ह्याट्रिक सहित ६ विकेट लिएकी थिइन् । जुन टि२० क्रिकेट इतिहासकै सर्वोत्कृष्ट प्रर्दशन बन्न पुग्यो । महिला मात्र होईन पुरुष क्रिकेटको पनि उत्कृष्ट प्रर्दशन पर्दछ ।
पहिलो अन्तर्राष्ट्रिय खेल खेलेका माल्दिभ्सका महिला खेलाडीले अञ्जलीको स्पिन जादु बुझ्नै सकेनन् । अञ्जलीलाई कप्तान रुविना क्षेत्रीले सातौं ओभरमा बलिङमा ल्याउने निर्णय लिएकी थिइन् । जुन समय माल्दिभ्स १५–४ को अवस्थामा थियो । अञ्जलीले सातौं ओभरको पहिलो बल कप्तान जुना मरियामलाई डट राख्दा दोस्रो बलमा करुण भण्डारीबाट शून्यमा क्याच आउट गराइन् । तेस्रो बलमा लात्सा हसिमाथ डट राख्दा चौथो बलमा सरिता राना मगरबाट शून्यमै क्याच आउट हुन पुगिन् । पाँचौ बल सफिया सलिमलाई डट राख्दा छैटौं बलमा शून्यमा बोल्ड गरिन् ।
नेपाली टोलीमा लामो समयपछि पूनरागमन समेत गरेकी अञ्जलीले पहिलो ओभरमा तीन विकेट सहित मेडन राख्दै माल्दिभ्सलाई कमजोर अवस्थामा पुर्याएकी थिइन् । नवौं ओभरमा ईशाल इब्राहिमले अञ्जलीको सुरुवाती चार बल डट खाएकी थिइन् । तर पाँचौ बलमा पनि उनलाई कप्तान रुविनाबाट क्याच गराउँदै शून्यमा पेभिलिएन फर्काइन् । अन्तिम बलमा किनानाथ इस्माइललाई विकेटकिपर ममता चौधरीबाट स्टम्पिङ आउट गराइन् । सुरुवाती दुबै ओभर मेडन राख्दा कुनै रन खर्चेकी थिइनन् ।
११ औं ओभरमा अञ्जलीलाई ह्याट्रिकको अवसर थियो । जुन अवसर उनले चुक्न दिएनिन् । सम्मा अलीलाई पहिलो बलमै शून्यमा बोल्ड गर्दै ह्याट्रिक पूरा गरेकी थिइन् । ब्यक्तिगत ६ विकेट लिँदै उनले विश्व कीर्तिमान कायम गरिन् । माल्दिभ्सले अन्तिम ४३ बलमा एक रन मात्रै जोड्न सफल भएको थियो । उक्त एक रन पनि वाइडको रुपमा सामेल थियो । उक्त वाइड कप्तान रुविनाले आठौं ओभरको पाँचौ बलमा फालेकी थिइन् । १७ रनको सामान्य लक्ष्य नेपालले ५ बलमै कुनै विकेट नगुमाई जितेको थियो । नेपाल भन्दा अघि रुवान्डा र तन्जानियाले संयुक्त रुपमा ४ बलमै जित निकालेका थिए ।
अञ्जलीपछि मलेसिया मास एलिसाले सन् २०१९ जनवरीमा ४ ओभरमा १ मेडन सहित ३ रन खर्चेर ३ विकेट लिएकी छिन् । पुरुष टि२० आईमा भारतीय तीव्र गतिका बलर दीपक चहरको नाममा छ । चहरले बंगलादेशविरुद्ध २०१९ नोभेम्बरमा ३.२ ओभरमा ७ रन खर्चेर ६ विकेट लिएका थिए । अञ्जलीको यो कीर्तिमान तोडिन अव असम्भव देखिन्छ ।
अञ्जलीले बितेको एक वर्ष थाहाँनै नपाएको बताउँछिन् । ‘कीर्तिमान बनेको एक वर्ष पनि थाहाँनै भएन । खेल पनि भएन । खुसीनै छु बीचमा खेल भएको भए अझ राम्रो हुन सक्थ्यो । उक्त विश्व कीर्तिमान पछि झन नाम कमाउछु र राम्रो खेल्छु भन्ने थियो’, दुर्भाग्य खेलनै हुन सकेन, उनले भनिन् । एपिएफबाट घरेलु क्रिकेट खेल्ने अञ्जली यस पटक भने सुदूरपश्चिमबाट प्रधानमन्त्री एकदिवसिय महिला कप खेल्ने तयारी गरि रहेकी छिन् ।
March 19, 2024
काठमाडौं (हाम्रो खेलकुद) – राष्ट्रिय महिला क्रिकेट टोलीकी पहिलो कप्तान नेरी थापाले अन्तर्राष्ट्रिय र घरेलु दुबै क्रिकेटबाट सन्न्यासको घोषणा गरेकी छिन् । १७ वर्ष लामो क्रिकेट यात्रामा साथ दिने आफ्नो परिवारलाई विशेष धन्न्यावाद दिँदै नेरीले सोमबार सामाजिक सञ्जाल फेसबुक मार्फत सन्न्यास लिएको घोषणा गेकी हन्। ‘म आज राष्ट्रिय तथा अन्तर्राष्ट्रिय क्रिकेटबाट सन्न्यासको घोषणा गर्दैछु। क्रिकेट […]
March 18, 2024
धनगढी (हाम्रो खेलकुद) – कैलाली प्रिमियर लिगमा शुक्लाफाँटा नगरपालिकाले विजयी सुरुवात गरेको छ । जिल्ला क्रिकेट संघ कैलालीको आयोजनामा सोमबार फाप्ला मैदानमा सुरु भएको कैलाली प्रिमियर लिगमा शुक्लाफाँटाले पर्शुराम नगरपालिकालाई ३५ रनले पराजित गरेको हो । टस जितेर पहिला ब्याटिङ गरेको शुक्लाफाँटाले निर्धारित २० ओभरमा ३ विकेट गुमाउँदै १ सय ८१ रन बनायो । टोलीका […]
March 15, 2024
सुनिल गाँउले, सिमरा प्रथम जीतपुरसिमरा क्रिकेट कप प्रतियोगिता शनिबारदेखि हुँदैछ । जीतपुरसिमरा उपमहानगरपालिका ४ स्थित सेज क्रिकेट मैदानमा सुरु हुने प्रतियोगिताको उद्घाटन खेलमा आयोजक जीतपुरसिमरा क्रिकेट क्लब र पर्सा क्रिकेट संघ भिड्दैछन् । राउण्ड रोबिनका आधारमा संचालन हुने प्रतियोगितामा ६ टोलीको सहभागिता रहेको छ । चैत १० गतेसम्म चल्ने प्रतियोगिताका ६ टोलीलाई दुई समूहमा विभाजन […]