भुपेन्द्र जि.सी, काठमाडौं

नेपालले शनिबार घरेलु मैदान टियुमा नेदल्याड्ससँग खेल्दै त्रिकोणात्मक टि२० आई सिरिजको सुरुवात गर्दै छ । नेपाल क्रिकेट संघ (क्यानं) को आयोजनामा नेपाल, नेदरल्याड्स र मलेसियाबीच डबल राउन्ड रोविनको आधारमा त्रिकोणात्मक टि२० आई सिरिज हुने छ । लिगमा समान चार खेलपछि शीर्ष दुई टोलीले फाइनल खेल्नेछन् ।

१४ महिनापछि पहिलो अन्तर्राष्ट्रिय खेल खेल्न लागेको नेपाल निकै उत्साहित छ । नेपाल उपाधिको दाबेदार टोली हो । सिरिजमा नेपालले लक्ष्य उत्कृष्ट प्रदर्शनका ट्रफी घरमै राख्ने हुने छ । तर सिरिज जित्ने भन्दा अझ ठूलो २०२२ मा फेब्रुअरीमा हुने टि२० ग्लोबल छनोट सुरुवात यसै सिरिजबाट घरेलु मैदानबाट हुने छ । नेपाल समूह ए बाट शीर्ष दुईमा रहन सके ७ वर्षपछि पुन विश्वकप खेल्दै अष्ट्रेलिया टिकट पक्का गर्ने छ । सन् २०१४ मा बंगलादेशमा भएको टि२० विश्वकपनै नेपालको पहिलो र अन्तिम हो । त्यसपछि छनोट भन्दा माथि नेपाल पुग्न सकेको छैन ।

विश्वकप छनोटको लागि नेपाललाई अब एक वर्ष समय छ । एक वर्षमा तयारी र लगानी कस्तो गर्छ त्यसले विश्वकप खेल्ने वा नखेल्ने निर्धारण गर्ने छ । विश्वकप छनोटको लागि एक वा दुई महिना तयारी पर्याप्त हुने छैन । नेपालले यो सिरिजमा आसिफ शेख, साहब आमल, कुशल भुर्तेल लगायतका युवा खेलाडीलाई मौका दिएको छ ।

त्यसो त यो सिरिज नेपालले गुमाउँदा पनि खासै ठूलो फरक पर्ने छैन । किनकी नेपालको लक्ष्य २०२२ ग्लोबल छनोट हुने छ । यो सिरिजबाट नेपाल धेरै भन्दा धेरै सिक्न चाहने छ । विशेष गरि नेदरल्यान्ड्सबाट । विश्वकप छनोट सम्म कस्तो टोली निर्माण गर्ने अवको तयारीमा निर्भर रहने छ ।

कप्तान ज्ञानेन्द्र मल्ल विश्वकप छनोटको सुरुवात यहिँबाट हुने बताउँछन् । ‘हामी पनि त्यहिँ भनि रहेका छौं । २०२२ को ग्लोबल छनोटको तयारी सुरु गर्ने यो सहि समय हो । छनोटको जस्तो यो बेला खेलाडीमा कुनै दबाब छैन । खेलाडी हेर्ने र तयार पार्ने यो नै यहि समयमा हो । खेलाडीको विकास, अनुभव दिने, सल्लाह दिने यहिनै बेला हो । ग्लोबल छनोटलाई लक्ष्य गरेर अहिले देखिनै टिमलाई कस्तो हिसावले बनाएर लगेर जाने भन्ने हिसाबलेनै यो सिरिजमा गर्ने छौं’, ज्ञानेन्द्रले भने । त्यसैले ज्ञानेन्द्र कुनैपनि युवा खेलाडीले एक खेलमा नराम्रो गर्दै निरास नहुन सुझाव दिन्छन् ।

युवा खेलाडीलाई सिधैं ग्लोबल छनोटमा लगेर जादा नतिजा पक्कै आउँदैन । किन भने दबाबमा खेल्न कुनैपनि खेलाडीलाई सहज हुँदैन । अर्कोतर्फ राम्रो नतिजा आउन धेरै भन्दा धेरै खेल खेल्न आवश्यक पर्छ । यो सिरिजको हारले खासै दबाब राख्दैन । निरन्तर कुनै दबाब खेल्दा खेलाडी स्वतन्त्र रुपमा आफ्नो शैलीको खेल खेल्न पाउँछ र आफ्नो प्रदर्शनमा पनि निखारता ल्याउँछ । जुन कुरा टोलीलाई थाहा छ ।

सिरिजअघि नेपाली क्रिकेट टोलीका प्रमुख ब्याट्सम्यान पारस खड्का दायाँ हातको काँधमा चोटका कारण गुमाउने भएका छन् । जसले गर्दा युवा खेलाडीमा जिम्मेवारी थपिने छ । यस सिरिजमा ओपनर आशिफ शेखलाई निकै महत्वपूर्ण रुपमा हेरिएको छ । विकेटकिपर आसिफ उमेर समूह देखिनै ठूलो सम्भावना देखाएका ब्याट्सम्यान हुन् ।

प्रधानमन्त्री कप र मेयर कपमा उत्कृष्ट प्रदर्शन गरेका थिए । सम्भव त नेपालको ओपनिङ कुशल मल्ल र आसिफ शेखले गर्ने छन् । तेस्रो नम्बरमा कप्तान ज्ञानेन्द्र, चौथोमा दीपेन्द्रसिंह ऐरीको सम्भावना छ । उपकप्तान दीपेन्द्रसिंह ऐरीलाई अन्तर्राष्ट्रिय प्रतियोगितामा उच्च प्रदर्शन गर्न दबाब र आवश्यक दुबै छ । पाँचौं नम्बरमा आरिफ शेख वा सन्दीप जोरा सम्भावना छ । छैटौं नम्बरमा विनोद भण्डारी हुन सक्छन् ।

नेपालले अलराउन्डरको रुपमा कुशल मल्लसँगै करण केसी र सोमपाल कामीलाई खेलाउने सम्भावना छ । सोमपाल र करण तीव्र गतिका प्रमुख हतियार पनि हुन् । टि२० विशेषका रुपमा छवि बनाएका अभिनाश बोहरा सहित नेपालले तीन तीव्र गतिका बलर खेलाउने छ । विश्व टि२० क्रिकेटमा भिन्दै पहिचान बनाएका लेग स्पिनर सन्दीप लामिछानेलाई सुशन भारी वा साहब आलम मध्य एकले साथ दिनेछन् ।

पछिल्लो समय घरेलु प्रतियोगिता प्रदर्शन हेर्दा साहबको सम्भावना देखिन्छ । साहब मात्र होईन सम्भावना बोकेका युवा खेलाडीलाई प्रयोग गर्ने र हेर्ने सिरिजनै सबैभन्दा राम्रो अवसर हो । यो सिरिज टि२० वरियता सुधार गर्ने एउटा अवसर पनि हो । हाल नेपाल ११ बाट खस्किएर १५ औं स्थानमा पुगेको छ । नेपालभन्दा अघि एसोसियट टोलीबाट स्कटल्यान्ड र यूएई छन् । अर्कोतर्फ खेलाडीलाई ब्यक्तिगत वरियतामा सुधार गर्ने राम्रो अवसर पनि रहने छ ।

नेपाललाई यस सिरिज सहज भने हुने छैन । मलेसियाले गतवर्ष थाईल्यान्डमा भएको इस्टर्न रिजन टि२० एसिया कपमा नेपाललाई पराजित गरेको थियो । मलेसियाको लक्ष्य यस सिरिजमा जित्ने भन्दा सिक्ने बढी छ । उसलाई गुमाउनु केहि छैन । तर आफ्नो उत्कृष्ट खेल स्वतन्त्र रुपमा खेल्दै कडा चुनौती दिने सोचमा छ ।

टि२० आई वरियतामा मलेसिया ३१ र नेदरल्यान्ड्स १७ औं स्थानमा छ । नेदरल्यान्ड्सलाई वर्तमान समयमा एसोसियट टोलीको प्रमुख मानिन्छ । पछिल्लो समय सिंगापुर, मलेसिया, कतारसँग हारेको नेपाल साना टोलीदेखि होसियार छ । पछिल्लो समय टेष्ट टोलीसँग बढि अभ्यास गरि रहेको नेदरल्यान्ड्स नेपाललाई घरमै स्तब्ध पार्दै सिरिजका साथ स्वदेश फर्कन चाहन्छ ।

आइसिसी सुपर लिगमा नेदरल्यान्ड्स भारत सहित १२ टेष्ट टोलीसँग विश्वकप सुपर लिगमा प्रतिस्पर्धा गर्दै विश्वकप छनोट खेलि रहेको छ । उसले नेपालको खेललाई आगमी दिनमा भारत, इंग्ल्यान्ड, अष्ट्रेलिया जस्ता देशको लागि तयारीको रुपमा लिएको छ । तर नेपालको घरेलु मैदान र समर्थक सामू उसलाई पनि सहज हुदैन भन्ने राम्रोसँग थाहा छ । यो सिरिज ग्लोबल टि२० विश्वकप छनोट सुरुवात हुँदा हार भन्दा पनि युवा खेलाडीलाई कसरी प्रयोग गर्छ त्यो भने निकै महत्वपूर्ण हुने देखिन्छ