3 years ago
April 19, 2021
काठमाडौं (हाम्रो खेलकुद) – राष्ट्रिय क्रिकेट टोलीका ओपनर कुशल भुर्तेलले नेपालमा जारी मलेसिया र नेदरल्यान्ड्ससँगको टि२० आई त्रिकोणात्मक सिरिजमा लगातार दुई अर्धशतक प्रहार गरेका छन् । पहिलो खेलमा नेदरल्यान्ड्ससँग टि२० आईमा डेब्यू गर्दै ६२ रनको उत्कृष्ट अर्धशतकीय इनिङ खेलेका थिए । दोस्रो खेलमा मलेसियाविरुद्ध ६१ रनको अविजित अर्धशतकीय इनिङ खेले । नेपालबाट टि२० आईमा लगातार […]
काठमाडौं (हाम्रो खेलकुद) – राष्ट्रिय क्रिकेट टोलीका ओपनर कुशल भुर्तेलले नेपालमा जारी मलेसिया र नेदरल्यान्ड्ससँगको टि२० आई त्रिकोणात्मक सिरिजमा लगातार दुई अर्धशतक प्रहार गरेका छन् ।
पहिलो खेलमा नेदरल्यान्ड्ससँग टि२० आईमा डेब्यू गर्दै ६२ रनको उत्कृष्ट अर्धशतकीय इनिङ खेलेका थिए । दोस्रो खेलमा मलेसियाविरुद्ध ६१ रनको अविजित अर्धशतकीय इनिङ खेले । नेपालबाट टि२० आईमा लगातार अर्धशतक प्रहार गर्ने कुशल पहिलो खेलाडी हुन् । कुशलसँगै अर्का ओपनर आशिफ शेखले पनि उत्कृष्ट प्रदर्शन गरेका छन् ।
आसिफले पहिलो डेब्यू खेलमा ५४ रनको अविजित इनिङ खेल्दा दोस्रो खेलमा मलेसियाविरुद्ध ४२ रनमा क्याच आउट भए । आसिफ र कुशलले पहिलो खेलमा नेदरल्यान्ड्सँग १ सय १६ र दोस्रो खेलमा मलेसियासँग १ सय २ रनको उत्कृष्ट शतकीय साझेदारी गरेका थिए । लगातार अर्धशतक प्रहार गरेपछि यसको पछि आफ्नो कडा मिहिनेत रहेको कुशलले बताएका छन् ।
‘अनुभव राम्रो छ । नेदल्यान्ड्सविरुद्धको प्रदर्शनलाई निरन्तरता दिँदा खुसी लागेको छ । पहिलो कुरा टोलीले जिति हाल्यो त्यसैमा खुसी छु’, खेलपछि बोल्दै कुशलले भने । ‘नेदरल्यान्ड्ससँग डेब्यू खेल थियो । तर मलाई कुनै दबाब थिएन । मैले यो अवसर प्राप्त गर्न कडा मिहिनेत गरेको थिएँ । यसलाई सदुपयोग गर्ने योजना थियो । त्यसै अनुसार खेलिरहेको छु’, कुशलले भने ।
आसिफ र कुशलको लगातार उत्कृष्ट प्रदर्शन र शतकीय साझेदारी बारे बोल्दै उनले भने, ‘टिममा एउटा भूमिका दिनु भएको छ । आसिफ र म कसरी खेल्ने भन्ने । त्यहि भूमिका अनुसार नै हामी दुई जनाले खेलेको हो ।’
‘घरेलु क्रिकेटमा ओपनिङ गर्न लागेको मैले दुई तीन वर्ष भयो । इमर्जिङ कप देखिनै मैले ओपनिङ गरेको थिए । ओपनर भन्ने कुरा गाह्रो छैन । म यसको लागि उपयोगी हुन्छु ।’
पहिलो खेलमा केहि खराब सट खेलेपनि मलेसियाविरुद्ध उनले पूर्ण आत्मविश्वाससहित सट प्रहार गरेका थिए । मलेसियाविरुद्ध कुशलको सट छनोट खतरामुक्त र उत्कृष्ट थियो । ‘नेदरल्यान्ड्ससँग लक्ष्य पनि धेरै थियो । त्यसैले केहि प्रयोग गरेर जोखिम लिनुपर्ने थियो । आजको खेलमा लक्ष्य धेरै थिएन । आसिफ र मेरो सोच बल अनुसार सट खेल्दै जाने थियो । अस्ति (नेदरल्यान्ड्सविरुद्ध) इनिङलाई अघि बढाउने थियो । आज बल पनि सहज थियो । त्यसैले दायाँ बायाँ गर्नु परेन’, उनले भने ।
प्रशिक्षक डेभ व्हाटमोरले पनि कुशल र आसिफको प्रशंसा गरे । ‘कुशल र आसिफ दुवैले राम्रो प्रदर्शन गरिरहेका छन् । प्रशिक्षणमा पनि उनीहरुबाट यस्तै प्रदर्शन आएको थियो । सुरुवातमा हामीले यी दुईबीच कसलाई खेलाउने भन्ने दुविधा थियो । तर पारस घाइते भएपछि हामीलाई निर्णय लिन कठिन भएन,’ उनले भने ।
डबल राउन्ड रोविन लिगको आधारमा चलेको यस त्रिकोणात्मक सिरिजमा नेपाल २ खेलमा ४ अंकका साथ शीर्ष स्थानमा छ । नेदरल्यान्ड्स २ खेलमा २ अंकका साथ दोस्रो र मलेसिया अंक विहिन हुँदै पुछारमा छ । मंगलबार नेपाल र नेदरल्यान्ड्सबीच प्रतिस्पर्धा हुनेछ ।
अर्का ओपनर आसिफ शेखबारे टि२० आई डेब्युअघि लेखिएको सामग्री : शेख दाजुभाइ – घरको छतदेखि राष्ट्रिय टोलीसम्म सँगै
March 28, 2024
सुमन अधिकारी,बुटवल नेपालका पूर्व अन्तराष्ट्रिय क्रिकेट खेलाडी शक्ति प्रसाद गौचनले बुबाको नामबाट आयोजना रुपन्देहीमा जारी छैंटौं खड्ग प्रसाद गौचन मेमोरियल यु—१९ क्रिकेट प्रतियोगिता–२०८० मा बिहीबार समुह बिका २ खेल सम्पन्न भएका छन् । जसमा पल्सर क्रिकेट एक्सलेन्स सेन्टर (सिइसी) , काठमाण्डौ र धनगढी क्रिकेट क्लब विजयी भएका छन् । पहिलो खेलमा पल्सर सिइसी काठमाण्डौले सेन्टर […]
March 28, 2024
काठमाडौं (हाम्रो खेलकुद) – नेपाल क्रिकेट संघ (क्यान) ले वर्षाका कारण विहीबार हुने भनिएको टि२० खेल रद्द भएपछि आयरल्यान्ड वल्भ्सविरुद्ध सिरिजको खेल तालिका परिवर्तन गरेको छ । लगातार वर्षाका कारण मैदान भिजेपछि टियु अन्तर्राष्ट्रिय क्रिकेट मैदानमा पहिलो खेल रद्द भएको थियो । क्यानले खेल तालिका परिवर्तन गर्दै शुक्रबारदेखि टि२० सिरिज सुरु हुने बताएको छ । […]
March 28, 2024
काठमाडौं (हाम्रो खेलकुद) – टियु क्रिकेट मैदानमा पाहुना टोली आयरल्यान्ड वल्भस र नेपाल ‘ए’ बीच आजदेखि सुरु हुन लागेको तीन खेलको टि-२० शृंखला अन्तर्गतको पहिलो खेल रद्द भएको छ । नेपाल क्रिकेट संघ (क्यान) ले वर्षाका कारण मैदान भिजेको हुनाले खेल रद्द भएको जानकारी दिएको छ । आइरिश टोलीले नेपाल ‘ए’ विरुद्ध ३ टि-२० र […]