3 years ago
September 17, 2021
भूपेन्द्र जिसी, काठमाडौं नेपाली क्रिकेट टोलीका युवा तीव्र गतिका बलर गुलशन झाले आइसिसी विश्वकप लिग–२ त्रिकोणात्मक ओडिआई सिरिज अन्तर्गत अमेरिकाविरुद्ध नेपालका लागि डेब्यू गर्दै नयाँ कीर्तिमान बनाएका छन् । गुलशन ओडिआई क्रिकेट इतिहासकै सबैभन्दा कम उमेरमा डेब्यू गर्ने सूचीमा तेस्रो तथा एसोसिएटतर्फ सबैभन्दा कान्छो खेलाडी बनेका छन् । गुलशनले नेपालबाट ओडिआईमा सबैभन्दा कम उमेरमा डेब्यू […]
भूपेन्द्र जिसी, काठमाडौं
नेपाली क्रिकेट टोलीका युवा तीव्र गतिका बलर गुलशन झाले आइसिसी विश्वकप लिग–२ त्रिकोणात्मक ओडिआई सिरिज अन्तर्गत अमेरिकाविरुद्ध नेपालका लागि डेब्यू गर्दै नयाँ कीर्तिमान बनाएका छन् ।
गुलशन ओडिआई क्रिकेट इतिहासकै सबैभन्दा कम उमेरमा डेब्यू गर्ने सूचीमा तेस्रो तथा एसोसिएटतर्फ सबैभन्दा कान्छो खेलाडी बनेका छन् । गुलशनले नेपालबाट ओडिआईमा सबैभन्दा कम उमेरमा डेब्यू गर्ने कीर्तिमान लेखाएका छन् । गुलशनले शुक्रबार १५ वर्ष २ सय १२ दिनमा अमेरिकाविरुद्ध डेब्यू गरेका हुन् ।
यसअघि नेपालबाट सबैभन्दा कम उमेरमा ओडिआईमा डेब्यू गर्ने कीर्तिमान रोहित कुमार पौडेलको नाममा थियो । रोहितले १५ वर्ष ३ सय ३५ दिनको हुँदा सन् २०१८ अगष्ट १ मा नेदरल्यान्ड्सविरुद्ध डेब्यू गरेका थिए । कुशलले १५ वर्ष ३ सय ४० दिनको हुँदा २०२० फेब्रुअरी ८ मा अमेरिकाविरुद्धनै कीर्तिपुर मैदानमा डेब्यू गरेका थिए ।
विश्व ओडिआई क्रिकेटमा सबैभन्दा कम उमेरमा डेब्यू गर्ने कीर्तिमान पाकिस्तानका पूर्व खेलाडी हसन राजाको नाममा छ । ब्याट्सम्यान हसन राजाले १४ वर्ष २ सय ३३ दिनको उमेरमा जिम्बावेविरुद्ध १९९६ अक्टोबर ३० मा अक्टोबरमा डेब्यू गरेका थिए । दोस्रो स्थानमा बंगलादेशका मध्यगतिका बलर मोहम्मद शारिफ छन् । शारिफले २००१ अप्रिल ७ मा जिम्बावेविरुद्ध हरारेमा १५ वर्ष १ सय १६ दिनको उमेरमा डेब्यू गरेका थिए ।
गुलशन एसोसिएटतर्फबाट ओडिआईमा सबैभन्दा कम उमेरमा डेब्यू खेलाडी पनि बने । यसअघि केन्याका गुरदीप सिंहले २०१३ मा अफगानिस्तानविरुद्ध १५ वर्ष २ सय ५८ दिनको उमेरमा ओडिआईमा डेब्यू गरेका थिए । गुलशनले नेपालको २७ औं ओडिआई क्याप सोमपाल कामीबाट लगाएका थिए । ब्याटिङमा नेपालले सबैलाई सरप्राइज दिँदै गुलशनलाई छैटौं नम्बरमा गराएको थियो । गुलशनले ५३ बलमा २ चौका र १ छक्का सहित २८ रनको योगदान दिएका थिए । बलिङमा भने ३ ओभरमा ३१ रन खर्चिन पुगे ।
नेपाल अमेरिकासँग ६ विकेटले पराजित भएको भयो । अल अमरेतमा टस हारेर ब्याटिङको निम्तो पाएको नेपाल ४८ ओभरमा १ सय ७४ रनमा अल आउट भएको थियो । नेपालका कप्तान ज्ञानेन्द्र मल्लले सर्वाधिक ५५ र ओपनर कुशल भुर्तेलले ३६ रनको योगदान दिए । अमेरिका सौरभ नेत्रवालकरले सर्वाधिक ४ विकेट लिए ।
अमेरिकाले उक्त विजयी लक्ष्य २९.३ ओभरमा पूरा गर्यो । अमेरिका ओपनर स्टिभ टेलरले ६३ बलमा १२ चौका र ३ छक्का सहित सर्वाधिक ९२ रनको योगदान दिए । मोनांक पटेल ३८ र जसकरण मल्होत्रा ३६ रनमा आउट भए । नेपालका सन्दीप लामिछाने र करण केसीले २–२ विकेट लिए । नेपालले त्रिकोणात्मक सिरिज अन्तर्गत अन्तिम खेल घरेलु टोली ओमानसँग खेल्ने छ ।
March 29, 2024
काठमाडौं (हाम्रो खेलकुद) – आयरल्यान्ड वल्भ्सले नेपाल ‘ए’ विरुद्धको टि२० सिरिज अन्तर्गत पहिलो खेलमा २ सय २३ रनको विशाल लक्ष्य प्रस्तुत गरेको छ । पहिलो ब्याटिङको निम्तो पाएको वल्भ्सले निर्धारित २० ओभरमा ५ विकेट गुमाएर २ सय २२ रन बनायो । मध्यम सुरुवात गरेको आयरल्यान्ड वल्भ्सले अन्त्यतिर आक्रामक ब्याटिङ गर्दै विशाल योगफल खडा गर्यो । […]
March 29, 2024
काठमाडौं (हाम्रो खेलकुद) – तीव्र गतिका बलर कमलसिंह ऐरीले नेपाल ‘ए’ बाट आयरल्यान्ड वल्भ्सविरुद्ध शुक्रबार हुने टि२० खेलमार्फत पुनरागमन गर्ने भएका छन् । नेपाल ‘ए’ को कप्तान विनोद भण्डारीले टस जितेर पहिलो फिल्डीङ गर्ने निर्णय लिएका हुन् । आयरल्यान्ड वल्भ्सले सुरुवाती इनिङमा ब्याटिङ गर्दैछ । कमलले लामो समय चोटका कारण बाहिर रहेर आज पुनरागमन गर्दैछन् […]
March 29, 2024
काठमाडौं (हाम्रो खेलकुद) – नेपाल ‘ए’ क्रिकेट टोलीले आयरल्यान्ड वल्भ्सविरुद्ध पहिलो टि२० खेलमा टस जितेको छ । नेपाल ‘ए’ को कप्तान विनोद भण्डारीले टस जितेर पहिलो फिल्डीङ गर्ने निर्णय लिएका हुन् । आयरल्यान्ड वल्भ्सले पहिलो ब्याटिङ गर्दैछ । नेपालको टोली : विनोद भण्डारी (कप्तान), लोकेश बम, देव खनाल, किरण ठगुन्ना, आरिफ शेख, अर्जुन घर्ती, बसिर […]