2 years ago
September 30, 2021
काठमाडौं (हाम्रो खेलकुद) – एभरेष्ट प्रिमियर लिग (इपिएल) को चौथो संस्करणमा बिहीबार चितवन टाइगर्स विजयी हुँदा भैरहवा ग्ल्याडियटर्स र ललितपुर प्याट्रियटर्सले १–१ अंक बाँडेका छन् । दिनको पहिलो खेलमा चितवनले काठमाडौं किंग्स इलेभेनलाई ३ विकेटले पराजित गर्यो । चितवनको जितमा ब्याटिङ र बलिङ दुबैमा नेपाली खेलाडीको प्रदर्शन अब्बल रह्यो । काठमाडौंलाई १ सय ४१ रनमा […]
काठमाडौं (हाम्रो खेलकुद) – एभरेष्ट प्रिमियर लिग (इपिएल) को चौथो संस्करणमा बिहीबार चितवन टाइगर्स विजयी हुँदा भैरहवा ग्ल्याडियटर्स र ललितपुर प्याट्रियटर्सले १–१ अंक बाँडेका छन् ।
दिनको पहिलो खेलमा चितवनले काठमाडौं किंग्स इलेभेनलाई ३ विकेटले पराजित गर्यो । चितवनको जितमा ब्याटिङ र बलिङ दुबैमा नेपाली खेलाडीको प्रदर्शन अब्बल रह्यो । काठमाडौंलाई १ सय ४१ रनमा रोक्न चितवनका स्पिनर सागर ढकालले ४ ओभरमा २१ रन खर्चेर ४ विकेट लिँदै प्लेयर अफ द म्याच चुनिए ।
काठमाडौंका सुबास खकुरेलले ३५, राजु रिजालले २८ र जनक प्रकाशले २६ रनको योगदान दिए ।१ सय ४२ रनको विजयी लक्ष्य पछ्याउनेक्रममा चितवनले १८.४ ओभरमा ७ विकेट गुमाउँदै पूरा गर्यो । चितवनका राजेश पुलामी २६ र कमलसिंह ऐरी २३ रनमा आउट भए । काठमाडौंका जितेन्द्र मुखिया र रायन बर्लले २–२ विकेट लिए । चितवनसँगको खेलमा समग्रमा नेपाली खेलाडी धेरै हाबी बने ।
दोस्रो खेलमा भैरहवा र ललितपुरबीचको खेल बराबर हुँदा अंक बाँडेका थिए । रातको कारण टियुमा लाइट नहुँदा सुपर ओभर सम्भव नभएपछि १-१ अंक बाँडेका थिए । टस हारेर ब्याटिङको निम्तो पाएको ललितपुरले निर्धारित २० ओभरमा ७ विकेट गुमाउँदै १ सय ७७ रन बनाएको थियो । ललितपुरका सान्दुन विराक्कोडीले सर्वाधिक ५८ रन बनाए । सन्दीप जोरा ३८ र आजमतुल्लाह ओमरजाईले ४२ रन बनाए ।
भैरहवाका अभिनाष बोहराले सर्वाधिक २ विकेट लिए । भैरहवाले १ सय ७८ रनको विजयी लक्ष्य पछ्याउनेक्रममा ५ विकेट गुमाउँदै १ सय ७७ रन बनाएको थियो । भैरहवा उपुल थरंगाले सर्वाधिक ६७ रन बनाए । आरिफ शेखले २८ र कुशल मल्लले ३५ रन बनाए । ललितपुरका रिजन ढकालले २ र राशिद खानले ३ विकेट लिए । भैरहवा जितमा विदेशी खेलाडीको बलिङमा कमजोर प्रदर्शन रहेपनि ब्याटिङमा महत्वपूर्ण भूमिका रह्यो ।
तरपनि अपेक्षा गरेका केहि ठूला नाम गरेका विदेशी खेलाडी बिहीबार चल्न सकनन् । समग्रमा बिहीबार दुबै खेलबाट कुल १२ विदेशी खेलाडीको प्रदर्शन छोटकरीमा यस प्रकार रह्यो ।
रहमानउल्लाह गुरबाज (काठमाडौंं)
अफगानिस्तानका विकेटकिपर तथा ओपनर ब्याट्सम्यान गुलबाज चितवनविरुद्ध चल्न सकेनन् । काठमाडौंबाट ओपनिङ गर्दै ५ रनमा आउट भएका थिए । तीव्र गतिका बलर कमलसिंह ऐरीले मोहम्मद शाहजादबाट उनलाई दोस्रो ओभरको अन्तिम बलमै क्याच गराएका थिए । पहिलो खेलमा गुरबाजले ललितपुरलाई पराजित गर्न ५९ रनको उत्कृष्ट इनिङ खेलेका थिए ।
रायन बर्ल (काठमाडौं)
जिम्बावेका स्टार अलराउन्डर रायन बर्ल चितवनविरुद्ध खाता खोल्न सकेनन् । रायन चल्न नसक्दा काठमाडौं मध्यम योगफलमै समेटिएको थियो । रायनलाई स्पिनर सागर ढकालले ११ औं ओभरको तेस्रो बलमा शेकुगे प्रसन्नाबाट शून्यमा क्याच गराएका थिए । बलिङमा भने रायनले ४ ओभरमा १३ रन खर्चेर २ विकेट लिए । उनले भीम सार्कीलाई ६ र प्रसन्नालाई ५ रनमा आउट गरेका थिए । काठमाडौंलाई पहिलो खेल जिताउन बर्लले ७३ रनको अविजित इनिङ खेलेका थिए ।
जनक प्रकाश (काठमाडौं)
सिंगापुरका अलराउन्डर जनकले इपिएलमा डेब्यू गर्दै औसत प्रदर्शन गरे । ब्याटिङमा प्रकाशले १६ बलमा १ चौका र २ छक्का सहित २६ रन बनाएका थिए । बलिङमा उनले ३ ओभरमा ३४ रन खर्चेर १ विकेट लिएका थिए । उनले पहिलो ओभरको तेस्रो बलमै ईशान पाण्डेलाई शून्यमा बोल्ड आउट गरेका थिए ।
शेकुगे प्रसन्ना (चितवन)
श्रीलंका स्पिनर शेकुगेले काठमाडौंविरुद्ध ३ ओभरमा २० रन खर्चेर १ विकेट लिए । उनले अमित श्रेष्ठलाई ६ रनमा बोल्ड आउट गरेका थिए । ब्याटिङमा प्रसन्ना ५ रनमा एलबीडब्लू आउट भएका थिए ।
मोहम्मद शाहजाद (चितवन)
अफगानिस्तानका विष्फोटक ब्याट्सम्यान मोहम्मद शाहजाद काठमाडौविरुद्ध १७ रनमा आउट हुन पुगे । शाहजादलाई जितेन्द्र मुखियाले गुरबाजबाट चौथो ओभरको चौथो बलमा क्याच गराएका थिए । उनले १३ बलमा ३ चौका प्रहार गरे । पहिलो खेलमा शाहजाद विराटनगरविरुद्ध १ रनमा आउट हुन पुगेका थिए ।
करिम जन्नत (चितवन)
अफगानिस्तानका तीव्र गतिका बलिङ अलराउन्डर करिम जन्नतको प्रदर्शन अलराउन्ड रह्यो । ब्याटिङमा जन्नतले १४ बलमा ३ चौका र १ छक्का सहित २१ रनको योगदान दिए । बलिङमा ४ ओभरमा १८ रन खर्चेर २ विकेट लिएका थिए । उनले जनक प्रकाश र राजुको विकेट लिएका थिए ।
सान्दुन विराक्कोडी (ललितपुर)
श्रीलंका ओपनर सान्दुनले भैरहवाविरुद्ध उत्कृष्ट ब्याटिङ गरे । ललितपुरबाट सर्वाधिक रन बनाएका सान्दुनले ४१ बलमा २ चौका र ५ छक्का सहित सर्वाधिक ५८ रन बनाए । उनी आरिफ शेखको बलमा अभिनाष बोहराबाट क्याच आउट भएका थिए ।
ओशदा फर्नान्डो (ललितपुर)
श्रीलंका ब्याटर फर्नान्डो भैरहवासँग खेलमा २० रनमा बोल्ड आउट भए । कृष्ण कार्कीको बलमा बोल्ड हुनुअघि उनले १९ बलमा २ चौका र १ छक्का प्रहार गरेका थिए ।
आजमतुल्लाह ओमरजाई (ललितपुर)
अफगानिस्ताानका युवा अलराउन्डर आजमतुल्लाहले भैरहवाविरुद्ध उत्कृष्ट अलराउन्ड प्रदर्शन गरे । ब्याटिङमा उनले २२ बलमा ४ छक्का र २ चौका सहित ४२ रनको आक्रामक इनिङ खेलेपछि ललितपुरले बलियो योगफल तयार पारेको थियो । उनी अभिनाषको बलमा कुशल मल्लबाट समातिन पुगेका थिए । बलिङतर्फ ४ ओभरमा ३२ रन खर्चेका थिए ।
तमिम इकबाल (भैरहवा)
बंगलादेशका सर्वाधिक सफल ब्याटर तमिम इकबाल सुरुवाती दुई खेलमा अपेक्षा अनुसार चल्न सकेनन् । तमिम ललितपुरविरुद्ध १४ रनमा क्याच आउट भए । युवा बायाँ हाते तीव्र गतिका बलर रिजन ढकालले कुशल भुर्तेलबाट क्याच आउट गराएका थिए । उनले १६ बलमा ३ चौका प्रहार गरे । पहिलो खेलमा तमिम विराटनगरविरुद्ध १२ रनमा आउट भएका थिए ।
उपुल थरंगा (भैरहवा)
श्रीलंका थरंगा भैरहवा खेलमा नायक बने । थरंगा ४४ बलमा ६ चौका र ३ छक्का सहित ६७ रनमा अविजित रहेपछि खेल बराबर भएको थियो । उनीनै खेलको प्लेयर अफ द म्याच चुनिए । पहिलो खेलमा थरंगा ३४ रनमा अविजित रहे ।
धाम्मिका प्रसाद (भैरहवा)
श्रीलंका तीव्र गतिका बलर धाम्मिका प्रसादको प्रदर्शन ललितपुरविरुद्ध मध्यम रह्यो । धाम्मिकाले ४ ओभरमा ३० रन खर्चेर १ विकेट लिए । उनले पवन सरार्फलाई १ रनमा बोल्ड आउट गरेका थिए । पहिलो खेलमा तीन विकेट लिँदै प्लेयर अफ द म्याच चुनिएका थिए ।
यो पनि पढ्नुहोस् :
थरंगाको छक्काले टियु क्यान्टिनको सिसा फुट्यो
March 28, 2024
सुमन अधिकारी,बुटवल नेपालका पूर्व अन्तराष्ट्रिय क्रिकेट खेलाडी शक्ति प्रसाद गौचनले बुबाको नामबाट आयोजना रुपन्देहीमा जारी छैंटौं खड्ग प्रसाद गौचन मेमोरियल यु—१९ क्रिकेट प्रतियोगिता–२०८० मा बिहीबार समुह बिका २ खेल सम्पन्न भएका छन् । जसमा पल्सर क्रिकेट एक्सलेन्स सेन्टर (सिइसी) , काठमाण्डौ र धनगढी क्रिकेट क्लब विजयी भएका छन् । पहिलो खेलमा पल्सर सिइसी काठमाण्डौले सेन्टर […]
March 28, 2024
काठमाडौं (हाम्रो खेलकुद) – नेपाल क्रिकेट संघ (क्यान) ले वर्षाका कारण विहीबार हुने भनिएको टि२० खेल रद्द भएपछि आयरल्यान्ड वल्भ्सविरुद्ध सिरिजको खेल तालिका परिवर्तन गरेको छ । लगातार वर्षाका कारण मैदान भिजेपछि टियु अन्तर्राष्ट्रिय क्रिकेट मैदानमा पहिलो खेल रद्द भएको थियो । क्यानले खेल तालिका परिवर्तन गर्दै शुक्रबारदेखि टि२० सिरिज सुरु हुने बताएको छ । […]
March 28, 2024
काठमाडौं (हाम्रो खेलकुद) – टियु क्रिकेट मैदानमा पाहुना टोली आयरल्यान्ड वल्भस र नेपाल ‘ए’ बीच आजदेखि सुरु हुन लागेको तीन खेलको टि-२० शृंखला अन्तर्गतको पहिलो खेल रद्द भएको छ । नेपाल क्रिकेट संघ (क्यान) ले वर्षाका कारण मैदान भिजेको हुनाले खेल रद्द भएको जानकारी दिएको छ । आइरिश टोलीले नेपाल ‘ए’ विरुद्ध ३ टि-२० र […]