धनगढी (हाम्रो खेलकुद) – सुदूरपश्चिमाञ्चल एकेडेमी (एसपिए)ले ‘तेस्रो सुदूरपश्चिम स्पोर्टस अवार्ड २०७८’ लाई मुख्य प्रायोजन गरेको छ । धनगढीमा रहेको एसपिएले मुख्य प्रायोजन गरेपछि अवार्डको नाम एसपिए सुदूरपश्चिम स्पोर्टस अवार्ड रहने आयोजक नेपाल खेलकुद पत्रकार मञ्च कैलालीले जनाएको छ ।

एसपिएका निर्देशक सुवाश शाही र मञ्च कैलालीका अध्यक्ष सीताराम ओझाले शुक्रबार सम्झौता पत्रमा हस्ताक्षर गरे । एसपिएका निर्देशक शाहीले अवार्डसँग जोडिन पाउँदा खुसी लागेको बताए । लामो समयदेखि खेलकुद क्षेत्रमा सक्रिय शाहीले आगामी दिनमा अवार्डसँग निरन्तर जोडिएर साथ दिने प्रतिबद्धता जनाए ।

अवार्डको तेस्रो संस्करणको तयारी तीब्र रुपमा भईरहेको मञ्चले छ । उच्च प्रदर्शन गरेका राष्ट्रिय तथा अन्तर्राष्ट्रिय क्षेत्रमा सफल भएका खेलाडी र प्रशिक्षक गरी विभिन्न ८ विधामा अवार्ड दिइने छ । उत्कृष्ट खेलाडी पुरुष र महिला, उत्कृष्ट प्रशिक्षक, वर्ष युवा खेलाडी, स्पेसल अवार्ड, लाइफ टाइम एचिभमेन्ट अवार्ड, सुदूरपश्चिम आइकन महिला र पुरुष विधामा अवार्ड प्रदान गरिनेछ ।

उत्कृष्ट खेलाडी महिला र पुरुष विधाका विजेताले समान हजार, उत्कृष्ट प्रशिक्षकले ३० हजार, वर्ष युवा खेलाडी, स्पेसल अवार्ड र लाइफ टाइम एचिभमेन्ट अवार्डका विजेताले समान २५ हजार रुपैयाँ प्राप्त गर्नेछन् । सुदूरपश्चिम आइकन पुरुष र महिला विधाका विजेताले समान २० हजार रुपैयाँ पाउनेछन् ।

‘सुदूरपश्चिम स्पोर्टस अवार्ड’को तेस्रो संस्करणको मुख्य प्रबद्र्धकमा सुदूरपश्चिम प्रदेश खेलकुद परिषद् रहेको छ । त्यस्तै बर्षको पुरुष खेलाडी विधालाई काठमाण्डौंको मास ह्युम रिर्सोस र बर्ष महिला खेलाडी विधालाई वनदेवी युवा क्लबले प्रायोजन गरेको छ । अवार्डमा केल्मीको सह प्रायोजन रहेको बताइएको छ ।