काठमाडौं (हाम्रो खेलकुद) – नेपालले क्यानाडासँगको दोस्रो अभ्यास खेलमा मध्यम सुरुवात गरेको छ । किंग सिटीमा रहेको मेपल लीफ क्रिकेट मैदानमा टस हारेर ब्याटिङको निम्तो पाएको क्यानाडाले सुरुवाती १० ओभरमा १ विकेट गुमाउँदै ४३ रन बनाएको छ ।

क्यानाडाका ओपनर आरोन जोनसन ३० बलमा ४ चौकासहित २८ रनमा अविजित छन् । भूपेन्द्रसिंह २८ बलमा १ चौकासहित १० रनमा आउट भए । दोस्रो विकेटका लागि भुपेन्द्र र आरोनले ३९ रनको साझेदारी गरेका थिए ।

क्यानाडाका ओपनर रयान खान पठान पहिलो ओभरको अन्तिम बलमा १ रनमा आउट भए । तीव्र गतिका बलर किशोर महतोले पठानलाई बोल्ड गरेका थिए । आदिल अन्सारीले दशौं ओभरको अन्तिम बलमा भूपेन्द्रलाई बोल्ड आउट गरे । क्रिजमा अखिल कुमार आएका छन् ।

पहिलो खेल वर्षाको कारण मंगलबार राती रद्ध भएको थियो । क्यानाडा भ्रमणमा यो खेल नेपालको अन्तिम हुनेछ । नेपाल क्यानाडामाथि सानदार जितका साथ आइसिसी विश्वकप लिग–२ त्रिकोणात्मक ओडिआई सिरिज खेल्न स्कटल्यान्ड जाने सोचमा हुनेछ । नेपालले सुरुवाती दुई अभ्यास खेलमा ओन्टारियो क्रिकेट क्लबलाई ६९ रन र ५५ रनले हराएको थियो ।

क्यानानडो बातावरण र स्कटल्यान्डको मिल्दोजुल्दो छ । त्यसैको कारण नेपाल क्यानाडामा अभ्यास गर्न गएको हो । उता क्यानाडाको कप्तानी साद बिन जाफरले गर्नेछन् । घरेलु मैदानको फाइदा उठाउँदै क्यानाडा उच्च प्रदर्शन गर्न चाहन्छ ।