काठमाडौं (हाम्रो खेलकुद) – दियालो फूडल्याण्डको प्रायजोनमा प्रथम टिपटो किड्स कप – २०२३ सम्पन्न भएको छ । उक्त खेलमा तीन विभिन्न उमेर समूहमा सम्पन्न भएको थियो । तीनै उमेर समूहमा टिपटो स्पोर्ट्स एकेडेमीले उपाधि जित्न सफल भयो ।

यू-८ विधामा टिपटो स्पोर्ट्स एकेडेमी र दीपज्योति एफसीबीच खेल निर्धारित समयसम्म बराबरीमा सकिएको थियो । बराबरीमा सकिएपछि टाईब्रेकरमा २-१ को नतिजा निकाली टिपटो स्पोर्ट्स एकेडेमीले खेल जित्न सफल भयो। यसै गरि यू-११ मा टिपटो एकेडेमीले काठमाडौँ शिक्ष्यालयलाई ७-१ को फरिकलो अन्तरले हराउँदै उपाधि जित्यो ।

यू-१३ मा टिपटो एकेडेमीले चौर एकेडेमीसँग सामना गरेको थियो। निक्कै रोमाञ्चक उक्त खेल पनि निर्धारित समयसम्म बराबरीमा सकिएपछि टाईब्रेकरमा ४-३ को गोल अन्तरले खेलको नतिजा आफ्नो नाममा राख्न सफल भयो।

खेलको विभिन्न विधामा उत्कृष्ट भएका खेलाडीहरु :
यू-८

१ . उत्कृष्ट खेलाडी : सुशान्त छन्त्याल (दीपज्योति एफ सीं)

२ उत्कृष्ट गोलरक्षक : आयुष्मान श्रेष्ठ (टिपटो स्पोर्ट्स एकेडेमी)

यू-११

१.उत्कृष्ट खेलाडी : राघव बस्नेत (टिपटो स्पोर्ट्स एकेडेमी)

२. उत्कृष्ट गोलरक्षक : अनुज जंग थापा (टिपटो स्पोर्ट्स एकेडेमी)

यू.१३

१.उत्कृष्ट खेलाडी : सौगात महर्जन (चौर एकेडेमी)

२. उत्कृष्ट गोलकिपर : रोदीन भाई आचार्य (टिपटो स्पोर्ट्स एकेडेमी)