काठमाडौं (हाम्रो खेलकुद)- कर्णाली यशविसकी सुमित्रा रेग्मी एभरेष्ट महिला भलिबल (इडब्डुभी) प्रतियोगिताको सर्वोत्कृष्ट खेलाडी घोषित भएकी छिन्।

सुमित्रा मार्की रहेको कर्णालीले लगातार दोस्रो पटक इडब्लुभीको उपाधि जितेको हो। दोस्रो पटक पनि कर्णालीले फाइनल ललितपुर क्विन्सलाई ३-२ ले च्याम्पियन बनेको हो ‌।

त्रिपुरेश्वरस्थित राष्ट्रिय खेलकुद परिषद्को कभर्ड हलमा भएको फाइनलमा कर्णाली २६-२४,२५-१७,१३-२५,१७-२५,१५-८ ले विजयी भएको थियो।

लगातार दोस्रो पटक टोलीलाई च्याम्पियन बनाएका कुमार राई उत्कृष्ट प्रशिक्षक चुनिए। उनीसँगै कर्णालीकी साफिया पुन उत्कृष्ट सर्भर उत्कृष्ट घोषित भइन् । लुम्बिनी लाभाजकी अरुणा शाहीले उत्कृष्ट सेटरको अवार्ड जितिन्।

दोस्रो भएको ललितपुरकी सलिना श्रेष्ठ उत्कृष्ट डिफेन्डर,संगम महतो उत्कृष्ट ब्लकर, तेस्रो भएको काठमाडौं स्पाइकर्सकी उषा भण्डारी उत्कृष्ट स्टाइकर चुनिइन् ।

दोस्रो इडब्लुभीमा उत्कृष्ट
सर्वोत्कृष्ट खेलाडी – सुमित्रा रेग्मी (कर्णाली यशविस)
उत्कृष्ट सर्भर – साफिया पुन (कर्णाली यशविस)
उत्कृष्ट डिफेन्डर – सलिना श्रेष्ठ (ललितपुर क्विन्स)
उत्कृष्ट सेटर – अरुणा शाही (लुम्बिनी लाभाज)
उत्कृष्ट ब्लकर – संगम महतो (ललितपुर क्विन्स)
उत्कृष्ट स्पाइकर – उषा भण्डारी (काठमाडौं स्पाइकर्स)
उत्कृष्ट प्रशिक्षक – कुमार राई (कर्णाली यशविस)