एजेन्सी – इन्डियन प्रिमियर लिग (आइपिएल) २०२१ को छैटौं खेलमा आज रोयल च्यालेन्जर्स बेंगलोर र सनराइजर्स हैदराबादबीच प्रतिस्पर्धा हुँदै छ । खेल नेपाली समय अनुसार ७ : ४५ पछि चेन्नईमा हुँदै छ । बेंगलोरले लगातार दोस्रो जित चाहन्छ । हैदराबाद पहिलो जितको खोजीमा हुने छ ।

पहिलो खेलमा बेंगलोरले साविक विजेजा मुम्बई इन्डियन्सलाई २ विकेटले पराजित गर्दै विजयी सुरुवात गरेको थियो । १ सय ६० रनको विजयी लक्ष्य बेंगलोरले अन्तिम बलमा पूरा गरेको थियो । विराट कोहली, एवि डिभिलिर्स र ग्लेन म्याक्सवेल प्रमुख ब्याटिङ हतियार हुन् । हैदराबादविरुद्ध युवा ब्याट्सम्यान देवदत्त पाडिक्कलले पूनरागमन गर्ने सम्भावा छ ।

कोरोना संक्रमणबाट मुक्त भएपनि पहिलो खेलमा पाडिक्कल बेन्चमा बसेका थिए । विराट र वासिन्टन सुन्दरले ओपनिङ गरेका थिए । हैदराबादविरुद्ध डि भिलियर्स ४८ र ग्लेन म्याक्सवेल ३९ रनमा आउट भएका थिए । तल्लोक्रमका ब्याट्सम्यानलाई ठूलो इनिङ खेल्न आवश्यक देखिन्छ । पहिलो खेलमा हर्षल पटेलले ५ विकेट लिएका थिए । काइल जामिसन, मोहम्मद सिराज र युजभेन्द्र चहललाई उच्च प्रदर्शन गर्न आवश्यक देखिन्छ ।

हैदाराबाद पहिलो खेलमा कोलकातासँग १ सय ८८ रनको विजयी लक्ष्य पछ्याउने क्रममा १ सय ७७ रनमा रोकिएको थियो । हैदराबादका जोनी बेयरस्टोले ५५ र मनिष पाण्डेले ६१ रनको योगदान दिएपनि अन्यले राम्रो प्रदर्शन गर्न सकेका थिएनन् । कप्तान डेविड वार्नरलाई ठूलो इनिङ खेल्न आवश्यक देखिन्छ । ऋद्धिमान शाहको स्थानमा युवा ब्याट्सम्यान विराट सिंहलाई मौका दिनसक्छ । टि नटराजन र भुवनेश्वर कुमार प्रमुख तीव्र गतिका बलर हुन् । स्पिनर राशिद खानको प्रदर्शन निकै महत्वपूर्ण हुने छ । मोहम्मद नाबीको ठाउँमा जेसन होल्डरलाई मौका दिन सक्छ ।

हेड टु हेडमा यी दुई टोलीबीच १८ खेल हुँदा हैदराबाद १० र बेंगलोर ७ खेलमा विजयी भएको छ । एक खेल नतिजा विहिन छ । पछिल्लो पाँच खेलमा तीन खेलमा हैदराबाद विजयी भएको छ । गत सिजनका तीन खेल मध्य दुई खेलमा बेंगलोर हैदराबादसँग पराजित भएको थियो