एजेन्सी – युईएफ च्याम्पियन्स लिग अन्तरगतको जर्मन क्लब बायर्न म्युनिख र क्याटलान क्लब बार्सिलोनाबीचको समूह चरणको अन्तिम खेल बन्द रंगशालामा हुने भएको छ ।

यो खेल बायर्न म्युनिखको घरेलु मैदान एलिएन्ज एरिनामा अर्काे साता आयोजना हुदैछ । पछिल्लो समय जर्मनीमा कोरोना भाइरस (कोभिड–१९) को संक्रमण दर बढ्दै गएपछि जर्मन सरकारले खेलकुदलाई बन्द रंगशालामा गर्ने योजना बनाएको छ ।

कोरोना भाइरस संक्रमण दर उच्च बनेपछि खाली स्टेडियममा खेलकुद गर्न माग आउन थालेपछि गभर्नरले उक्त कदम चाल्ने बताईएको छ बाभेरियाका गभर्नर मार्कस साडरले देशमा कोरोना संक्रमण दर बढ्दै गएकाले समर्थकलाई अब रंगशालामा अनुमति नदिने बताएका छन् ।

गभर्नर मार्कस साँडरद्वारा उच्च पदाधिकारीहरुसंग छलफल गर्ने र उक्त निर्णय गर्ने सहमति नभएपनि स्टेडियममा उपस्थित समर्थकलाई रोक लगाइने कुरा प्रष्ट पारेको छ । ‘यसले निकट भविष्यका लागि दर्शकहरूलाई फेरि अनुमति दिनु कुनै अर्थ छैन ।’ साँडरले भने ।

बायर्न र बार्सिलोनाबीचको खेल ८ डिसेम्वरमा हुदैछ । यो खेल बार्सिलोनालाई समूह चरण पार गर्न निर्णायक खेल हुनेछ । बायर्न लगातार पाँचौ जित निकाल्दै समूह ‘ई’ बाट प्रि–क्वाटरफाइनलमा प्रवेश गरिसकेको छ । बायर्नसँग हार हार भोगेको अवस्था र अर्काे खेलमा बेन्फिका विजयी भए बार्सिलोना समूह चरणबाटै बाहिरिनेछ । बायर्नलाई बराबरीमा रोकेको अवस्थामा अर्काे खेलमा बेन्फिका विजयी भएपनि बार्सिलोना हेड टु हेडमा अघि बढ्नेछ । जितले बार्सिलोना अघि बढ्नेछ ।

बायर्नले गत अक्टोबरमा आफ्नो रंगशालामा पुर्ण दर्शक क्षमता (७५ हजार) दर्शक राख्ने अनुमति पाएको थियो । तर बढ्दो संक्रमणदरले दर्शक क्षमतामा २५ प्रतिशत कटौती गरेको छ । समर्थकले रंगशाला प्रवेशको लागि कोरोना नेगेटिभको नतिजा र कोरोना खोप लगाएको प्रमाण देखाउनुपर्नेछ ।

जर्मनीका अर्काे साता आरबी लाइप्जिग र म्यानचेस्टर सिटीबीचको खेल पनि दर्शकविना नै हुने पक्का भइसकेको छ । मर्केलका प्रवक्ता, स्टेफेन सेइबर्टले शनिबार बोरुसिया मोन्चेनग्लाडबाचविरुद्ध कोल्नको बुन्डेसलिगा खेलको लागि ५० हजार प्रशंसकहरूलाई अनुमति दिइएको कुरामा सोमबार निराशा व्यक्त गरेका छन् ।