default_image

3 years ago

December 10, 2021

रोकिएन बार्सिलोनाको ठुलो हारको सिलसिला

143 views

0 Bookmark

एजेन्सी – क्याटलान क्लब बार्सिलोनाले बुधबार राति च्याम्पियन्स लिगमा जर्मन क्लब बायर्न म्युनिखसँग ३–० को लज्जास्पद हार बेहोर्दै दुई दशकपछि समूह चरण पार गर्न सकेन ।

डगआउटमा जाभी हर्नान्डेज रहँदा बार्सिलोनाले नयाँ युगको संकेत दिने अनुमान गरिएको थियो । तर, बार्सिलोनाले आफ्नो प्रदर्शनमा सुधार गर्न नसक्दा युरोपा लिगमा खुम्चियो । बायर्नसँगको यो हार बार्सिलोनाले च्याम्पियन्स लिगमा २०१७ पछि भोगेको दशौं ठुलो हार बन्यो ।

हालको नतिजालाई लिएर तत्कालै जाभीलाई दोष दिनु पनि गलत नै हुनेछ । किनभने बार्सिलोना आर्थिक संकट र अन्य विभिन्न समस्याले घेरिएको छ । जाभीले नयाँ टोली निर्माण गर्ने योजना बुनिरहेका छन् ।

बार्सिलोनाले सन् २०१७ मा पिएसजीसँग ४–० को लज्जास्पद हार बेहोरेको थियो । पार्क डेस प्रिन्सेसमा भएको खेलमा लियोनेल मेस्सी, नेयमार, लुइस सुआरेज र आन्द्रेस इनिस्टाजस्ता खेलाडी लुइस इनरिकेको टोलीमा रहँदाको त्यो हार एक दुर्घटना नै बनेको थियो । क्याम्प नोउमा बार्सिलोनाले ६–१ को सानदार जित निकाल्दै त्यो युगको अन्त्य भएको आभास गराएको थियो । तर, त्यसको तीन सातापछि युभेन्ट्ससँगको ३–० को लज्जास्पद हारले लुइस इनरिके र नेयमार बाहिरिनु जस्तै पुष्टि भयो ।

२०१८ मा क्वाटरफाइनलको पहिलो लेगमा रोमामाथि ४–१ को आरामदायी जित निकालेपनि बार्सिलोनाले दोस्रो लेगमा ३–० को लज्जास्पद हार बेहोरेको थियो । २०१९ को सेमिफाइनलमा बार्सिलोनाले लिभरपुललाई ३–० ले हराएपनि दोस्रो लेगमा ४–० को लज्जास्पद हार बेहोर्दै बाहिरिन पुगेको थियो ।

तर, बार्सिलोनाको सबैभन्दा खराब नतिजा २०२० मा रह्यो । क्वाटरफाइनलमा बार्सिलोनाले बायर्न म्युनिखसँग ८–२ को सर्मानाक हार बेहोर्न पुगेको थियो । यो श्रृंखला यतिमै रोकिएन । सन् २०२०–२१ को सिजनमा बार्सिलोनाले समूह चरणमा युभेन्ट्ससँग ३–० को हार बेहोर्दा प्रि–क्वाटरफाइनलमा पिएसजीसँग ४–१ ले पराजित भएको थियो । यो सिजन पनि बार्सिलोनाले बायर्नसँगको दुई खेल र बेन्फिकासँगको एक खेलमा समान ३–० कै हार बेहोर्दै समूह चरण पार गर्न सकेन ।

यो सबैलाई थाहा छ । बार्सिलोना अहिले ठुलो समस्यामा रहेको छ । च्याम्पियन्स लिगबाट बाहिरिएपछि युरोपा लिग खेल्नुपर्ने अवस्था सिर्जना भएको छ । बार्सिलोनाले युरोपा लिग खेल्नुपर्ने अवस्था पक्कै पनि राम्रो होइन । तर, सन् २०१७ पछि नै बार्सिलोनाले सबैभन्दा खराव समय गुजारिरहेको छ । यो फिर्ता आउन समय लाग्नेछ । यसमा प्रशिक्षक जाभी हर्नान्डेज र अध्यक्ष जोन लापोर्टाले निरन्तर प्रयास गरिहेका छन् ।

२०१७ पछि बार्सिलोनाको ठुलो हार :

१. २०१६–१७ – प्रि–क्वाटरफाइनलको पहिलो लेगमा पिएसजीसँग ४–० को हार

२. २०१६–१७ – क्वाटरफाइनलको पहिलो लेगमा युभेन्ट्ससँग ३–० को हार

३. २०१७–१८ – क्वाटरफाइनलको दोस्रो लेगमा रोमासँग ३–० को हार

४. २०१८–१९ – सेमिफाइनलको दोस्रो लेगमा लिभरपुलसँग ४–० को हार

५. २०१९–२० – क्वाटरफाइनलमा बायर्नसँग ८–२ को हार

६. २०२०–२१ – समूह चरणमा युभेन्ट्सँग ३–० को हार

७. २०२०–२१ – प्रि–क्वाटरफाइनलमा पिएसजीसँग ४–१ को हार

८. २०२१–२२ – समुह चरणमा बायर्नसँग ३–० को हार

९.२०२१–२२ – समूह चरणमा बेन्फिकासँग ३–० को हार

१०. २०२१–२२ – समूह चरणमा बायर्नसँग ३–० को हार

February 15, 2025

आहा राराको फाइनल आज -पुलिस र बुल्स भिड्दै

पोखरा(हाम्रो खेलकुद)- २४ औं आहा! रारा पोखरा गोल्डकप फुटबल प्रतियोगिताको फाइनलमा आज पोखरा रंगशालामा ६ पटकको च्याम्पियन नेपाल पुलिस फुटबल क्लबको सामना उज्वेकिस्तानको ब्ल्याक बुल्स एफसीले गर्देछ। पुलिस पोखरामा सर्वाधिक ७ पटक च्याम्पियन बन्ने दाउमा रहेको छ। यसको लागि उसले उज्वेकिस्तानको ब्ल्याक बुल्सको कडा चुनौती पार गर्नुपर्नेछ। बुल्सको आहा रारामा पहिलो सहभागीता हो। तर उसले […]

February 14, 2025

एनएसएलमा अन्जन चितवनको मार्की

काठमाडौं (हाम्रो खेलकुद) – नेपाली राष्ट्रिय पुरुष फुटबल टोलीका फरवार्ड अन्जन विष्ट नेपाल सुपर लिगको फ्रेन्चाइज फुटबल क्लब चितवनको मार्की खेलाडीमा सार्वजनिक भएका छन् । गत सिजन झापा फुटबल क्लबको मार्की रहेका अन्जनलाई यसपटक चितवनले अनुबन्ध गरेको छ । चितवनले यसअघि प्रशिक्षकमा नविन न्यौपानेलाई अनुबन्ध गरेको थियो । अन्जन राष्ट्रिय टोलीमा सर्वाधिक गोलकर्ताको सूचीमा संयुक्त […]

February 14, 2025

सातौं पटक च्याम्पियन बन्न पुलिसले उज्वेकिस्तानको बुल्ससँग खेल्ने

पोखरा (हाम्रो खेलकुद) – २४औं आहा! रारा पोखरा गोल्डकपको उपाधिका लागि भोलि ६ पटकको विजेता नेपाल पुलिस फुटबल क्लबले पहिले पटक नेपाल आएको उज्वेकिस्तानको ब्ल्याक बुल्स एफसीको साममा गर्दैछ । पुलिस सर्वाधिक सात पटक च्याम्पियन बन्दै नयाँ इतिहास बनाउने दाउमा रहेको छ। आहा! रारा गोल्डकपमा अहिलेसम्म पुलिस र मनाङ मर्स्याङ्दी क्लबले समान ६/६ पटक जितेका […]

Success

Thank you for your time.