एजेन्सी – दोस्रो श्रेणीको सेन्ट पाउलीसँग स्तब्ध हुँदै साविक विजेता तथा जर्मन बुन्डेसलिगा टोली बोरुसिया डर्टमुन्ड डिएफवी पोकलको प्रि–क्वाटरफाइनलबाटै बाहिरिएको छ ।

साविक विजेता डर्टमुन्ड घरेलु टोलीसँग २–१ ले स्तब्ध हुदै डिएफवी पोकलको अन्तिम १६ बाटै बाहिरिन पुगेको हो । डर्टमुन्डलाई स्तब्ध पार्न सेन्ट पाउलीका इटिनी एमेनयिडोले गोल गर्दा एक गोल उपहार पाएको थियो । हालान्डले गोल गरेपनि टोलीको हार टार्न सकेन ।

ह्यामवर्गमा बुधबार राति भएको खेलको चौथो मिनेटमा नै इटिनी एमेनयिडोले गोलबाट सेन्ट पाउलीले घरेलु मैदानमा अग्रता लिन सफल भएको थियो । ४०औं मिेजटमा एक्सेल विस्टेलले आत्मघाती गोल गरेपछि घरेलु टोली पहिलो हाफमै २–० ले अघि बढ्यो ।

५८औं मिनेटमा एर्लिङ ब्राउट हालान्डले पेनाल्टीमा गोल गर्दै डर्टमुन्डलाई खेलमा फर्काउने संकेत दिएपनि त्यसपछि थप गोल निस्कन नसक्दा डर्टमुन्ड घरेलु टोलीसँग स्तब्ध बन्न पुग्यो । डर्टमुन्डले सेन्ट पाउलीसँग छैटौं खेल खेल्दा पहिलो हार बेहोरेको हो । त्यसअघिको सबै पाँच खेलमा डर्टमन्डले शतप्रतिशत जित निकालेको थियो ।

यस्तै ह्यामवर्ग एसभीले कोल्नलाई ट्राइब्रेकरमा ४–३ ले, कार्लस्रुहेरले १८६० मुन्चेनलाई १–० ले तथा बोचुमले माइन्जलाई ३–१ ले पराजित गर्दै क्वाटरफाइनलमा स्थान सुरक्षित गरेको छ ।